د کریډېټ سیستم د ښه تطبیق په هکله ښوونیز ورکشاپ ترسره شو
د کابل پوهنتون مسلکي ترینرانو او استادانو له لوري د کریډېټ سیسټم په هکله ښوونیز ورکشاپ د یاد پوهنتون نویو ګومارل شویو استادانو، د عبدالله بن مسعود ؓ جامعې کارمندانو او د کابل پوهنتون تدریسي مدیرانو ته وړاندې شو.
یاد ورکشاپ کې د لوړو زده کړو وزارت د ګومارنې او ترفیعاتو رئیس، د پوهنتون مرستیالانو او د عبدالله بن مسعود جامعې علمي مرستیال ګډون درلود.
وینالوالو د کریډیټ سیستم په ارزښت او تخنیکي اړخ خبرې وکړې.
ورپسې د کابل پوهنتون استادانو د موضوع په اړه معلومات شریک کړل او ګډونوالو ته یې خپل چمتو کړي پریزنټیشنونه وړاندې کړل.
