د کابل پوهنتون علمي شورا غونډه ترسره شوه
نوموړې غونډه د روان کال تلې میاشتې په ۲۵نېټه د سه شنبې په ورځ ترسره شوه، په غونډه کې د هرات ولایت زلزه ځپلو سره د غم دردۍ ترڅنګ د کابل پوهنتون رئیس ښاغلي دکتور اسامه عزیز له زیانمنو سره د مرستې را ټولولو په برخه کې د استادانو او منسوبینو له برخې اخیستلو څخه مننه وکړه.
په دې غونډه کې د فلسطین پرمظلوم ولس د صهیوني رژیم وحشیانه حملو زیاتېدل هم وغندل شول او د فلسطین شهداوو ته د فردوس جنت، زخمیانو ته د عاجلې روغتیا او مجاهدینو ته یې دلا پیاوړتیا هیله څرګنده کړه.
د اجنډا سره سم له ۳۰ زیاتو علمي، تحصیلي قضایاوو همدارنګه د کمپیوتر ساینس په پوهنځي کې د دکتورا او په بهرنیو ژبو او ادبیاتو پوهنځي روسي څانګه کې د ماسترۍ برنامې رامنځ ته کېدل او نورو مهمو موضوعاتو په اړه نظرونه تبادله شول؛ د قوانینو، اصولو، مقرراتو او لایحو سره سم پریکړې ترسره شوې.
