د کابل پوهنتون علمي شورا غونډه ترسره شوه
یاده علمي غونډه د روان کال ثور میاشتې په ۳۰ مه نېټه د شنبې په ورځ د پوهنتون رئیس او مرستیالانو په شتون کې ترسره شوه؛ چې په ۱۵ بیلابېلو علمي او تحصیلي موضوعاتو لکه: د ۱۴۰۲ تحصیلي کال د جدیدالشمول محصلینو د جذب ظرفیت، د حیواني علومو پوهنځی رامنځ ته کیدل، د وترنري علومو پوهنځي څیړنیزو فارم رامنځ ته کېدل، د کرنې پوهنځي باغدارۍ ( هارتیکلچر) څانګې د ماسترۍ برنامې پالیسۍ سند تصویبول، د ټولنیزو علومو پوهنځي افغانستان پیژندنې ماسترۍ برنامې د پالیسۍ سند تصویبول، د حقوقو او سیاسي علومو پوهنځي جزا او جرم پیژندنې ماسترۍ پالیسۍ سند تصویبول، د کابل پوهنتون فوق لېسانس ( ماسترۍ او دکتورا ) برنامو د هیئت د راپور اوریدل او نورو مهمو موضوعاتو په اړه نظرونه شریک شول او د هغه په اړه د قوانینو او مقرراتو سره سم لازمې پرېکړې وشوې.
همدارنګه په دې غونډه کې د پوهنتون پخواني علمي مرستیال ښاغلي پوهاند محمدشفیع شریفي له علمي هڅو ستاینه او قدردانی وشو او د کابل پوهنتون نوي علمي مرستیال ښاغلي محمداشرف غیرت ته د ښه راغلاس ترڅنګ هغه ته د غوره خدمتونو د توفیق غوښتنه وکړه.
