د کابل پوهنتون رهبرۍ د خواخوږۍ او ډاډ ګېرنې پیغام

انا لله و انا الیه راجعون

په ډېره ژوره خواشینۍ سره مو خبر تر لاسه کړ، چې د کابل پوهنتون د شرعیاتو پوهنځي استاد ښاغلی دکتور پوهاند عبدالقدوس راجی لدې فاني نړۍ سترګې پټې کړې دي.

پوهاند دکتور عبدالقدوس راجي د هېواد علمي ټولنې ته د خدمت، د ځوان نسل د ښوونې او روزنې په برخه کې نه ستړې کېدونکې هلې ځلې کړې دي د کابل پوهنتون رهبري هیئت، استادان، کارمندان او محصلین د ارواښاد کورنۍ له کورنۍ سره په غم کې ځان شریک او دوی ته تسلیت وړاندې کوي. د ارواښاد استاد نشتون د هېواد اکاډمیکې ټولنې په ځانګړې توګه د کابل پوهنتون لپاره ستره ضایع بولي. او د الله متعال له سپېڅلي دربار څخه ارواښاد استاد ته د مغفرت او کورنۍ ته یې د جمیل صبر او عظیم اجر غوښتنه کوي.

روح یې ښاد او یاد یې تل پاتې