د کابل پوهنتون رهبري شورا ناسته جوړه شوه

website admin
چهارشنبه ۱۴۰۱/۴/۸ - ۱۱:۳۵
meeting

د کابل پوهنتون رهبري شورا ناسته د روان کال د سرطان په ۷ د سې شنبې په ورځ، د پوهنتون رییس ښاغلي دکتور اسامه عزیز  په مشرۍ، د ریاست مرستیالانو او د ناستې د غړو په ګډون جوړه شوه.

پدې ناسته کې د کابل پوهنتون رییس د ناستې غړو ته د ښه راغلاست ویلو او پر مهمو مسایلو باندې د خبرو ترڅنګ وویل، چې د مهمو برنامو او د نویو او ګټورو کړنلارو په لاره اچول او د ځینو اکا‌‌‌‌‌‌ډمیکو ، اداري کارونو او د کیفیت تضمین مسایلو ته بیا کتنې سره باید خپلې ستونزې د بریالیتوب په فرصتونو تبدیلې کړو او دا هغه ستونزې دي، چې  ټولو  ټولنو تجربه کړي دي.

همدارنګه دکتور  عزیز د نویو ګمارل شوو استادانو د وړتیاوو د لوړولو لپاره تر سره شويو کارونو باندې خوښي وښوده او زیاته یې کړه، چې د ترکیې په سفر کې یې د کابل پوهنتون لپاره د تجهیزاتو ، وسایلو او امکاناتو مرستې، د استادانو لپاره تحصیلي بورسیې او د انلاین درسونو د پيل لپاره هڅې کړي دي او ترکي چارواکو هم دې مسایلو ته پاملرنه او علاقمندي وښوده.

همدارنګه د کابل پوهنتون رییس د ملګرو ملتونو د امنیت شورا له لوري د هیواد د لوړو زده کړو په وزیر  محدودیتونه غیر عادلانه وبلل او تاکید یې وکړ ، چې دا کار د هیواد د لوړو زده کړو سیسټم له ستونزو سره مخ کوي.

د رهبري ناستې په پای کې له اجنډا سره سم داخلي څارنې او ارزونې د څرنګوالي په موخه د کابل پوهنتون د باور ورکونې سند د ساتنې لپاره د اړینو تیاریو او همدارنګه پدې پوهنتون کې د مراسلاتو مدیریتي سیسټم د اپلیکیشن ازمایښتي تطبیق باندې هم هر اړخیزه خبرې وشوې او د شورا غړو هر يو په خپل وار سره د پورته موضوعاتو په اړه خپل نظرونه شریک کړل.

تازه خبرونه

چهارشنبه ۱۴۰۱/۵/۲۶ - ۹:۱۰
Background image

په کابل پوهنتون کې د ارزانه او زلزلې پر وړاندې د محکمو کورونو د برابرولو په اړه بحث تر سره شو

دغه بحث چې د انجینري پوهنځي لخوا څخه جوړ شوی وو، د کابل پوهنتون رئيس دکتور اسامه عزيز په پوهنتون کې د دغه محفل په جوړېدو خوښي وښوده او ويې ويل، چې یاده موضوع د هېواد يوه اړتيا ده او د. . .

یکشنبه ۱۴۰۱/۵/۲۳ - ۱۱:۵۱
Background image

د کابل پوهنتون د علمي چارو مرستیال د ماسټرۍ برنامو د ازموینو له بهیره لیدنه وکړه

ښاغلی پوهاند محمد شفیع شریفي د کابل پوهنتون د علمي چارو مرستیال او د ماسټرۍ برنامې آمر ښاغلی دکتور یارزمان منګل د ماسټرۍ برنامو د ازموینو له بهیره لیدنه ترسره کړه.

ددې لیدنې په ترڅ کې. . .

سه‌شنبه ۱۴۰۱/۵/۱۸ - ۱۵:۵۷
Background image

د Lumpy Skin Disease ناروغۍ د پېژندې، کنترول او درملنې په اړه په کابل پوهنتون کې کنفرانس تر سره شو

پدې وروستیو کې د هېواد په بېلابېلو ولایتونو په غواګانو کې د Lumpy Skin Disease  د ناروغۍ د خپرېدو په اړه راپورونه خپاره شوي چې په همدې وجه د یادې ناروغۍ د پېژندنې، کنترول او درملنې تر. . .

BACK TO NEWS

گالری رسانه

دکابل پوهنتون د ښکلو هنرونو پوهنځۍ د پسرلنی سمسټر د نندارتون په مراسمو کې دلوړو زده کړو وزارت دعلمي معین ښاغلی لطف الله خیرخواه صاحب وینا

دکابل پوهنتون د ښکلو هنرونو پوهنځۍ د پسرلني سمسټر د نندار تون په مراسمو کې د یادې پوهنځۍ د رئیس ښاغلي پوهنمل دوکتور محمود آریوبي وینا

د کمال خان بند د پرانیستې په پار د افغانستان د اوبو مطالعه او مدیریت تر عنوان لاندې علمي او څېړنیز کنفرانس

په کابل پوهنتون کې د نیالګیو کېنولو کمپاین پیل

د کابل پوهنتون د عامه ادارې او پالیسي او دریاضیاتو پوهنځيو د نوې ودانۍ پرانیسته