د کابل پوهنتون رئیس د چین هېواد تي یوون تکنالوژي پوهنتون له رهبرۍ سره خبرې وکړې
د کابل پوهنتون رئیس ښاغلي دکتور اسامه عزیز د روان کال چنګاښ میاشتې په ۲۷مه نېټه د دوشنبې په ورځ د ویدیو کنفرانس له لارې د چین هېواد تي یوون تکنالوژي پوهنتون له مرستیال شیاولین جانګ سره خبرې وکړې.
پدې ویدیو کنفرانس کې دواړو خواوو په راتونکي کې د مرستې منظم چوکاټ په رامنځ ته کولو، پیاوړتیا، په کابل پوهنتون کې د کنفوسیوس انستیتوت غوره مدیریت او په کابل پوهنتون کې د چینایي ژبې زده کړې او نورو اړوند موضوعاتو په اړه نظرونه تبادله شول.
