د کابل پوهنتون رئیس د بیولوژي پوهنځي د لابراتوارونو له نویو وسایلو څخه لیدنه وکړه
د کابل پوهنتون رئیس ښاغلي دکتور اسامه عزیز او مرستیالانود بیولوژي پوهنځي له استادانو، محصلینو او له هغو وسایلو، تجهیزاتو او کمیاوي موادو څخه لیدنه وکړه چې پدې وروستیو کې د پوهنتون لخوا د بیولوژي پوهنځي د لابراتوارونو لپاره اخیستل شوي وو.
پدې لیدنه کې دکتور عزیز د یاد پوهنځي د استادانو او محصلینو د نظریاتو او وړاندیزونو اورېدو ترڅنګ د لابراتوار د ځینو وسایلو پېرلو په برخه کې د هغوی له ونډې اخیستو مننه وکړه او له استادانو یې وغوښتل چې د محصلینو عملي کارونو ته پاملرنه وکړي.
همدارنګه د بیولوژي پوهنځي رئیس، استادانو او محصلینو د پوهنتون د رئیس له راتګ څخه هرکلی وکړ او زیاته یې کړه هغه وسایل، تجهیزات او کمیاوي مواد چې د بیولوژي پوهنځي د لابراتوارونو لپاره د پوهنتون او لوړو زده کړو وزارت لخوا اخیستل شوي د عملي کار په برخه کې یې ډېری ستونزې حل شوې او دوی ژمنه یې وکړه، چې له یادو وسایلو او تجهیزاتو څخه به په ښه توګه استفاده او ساتنه وکړي.
پدې وروستیو کې د کابل پوهنتون او لوړو زده کړو وزارت له طرفه د څه باندې اووه لکه افغانیو په ارزښت نږدې ۹۰ قلمه تجهیزات او کمیاوي مواد د بیولوژي پوهنځي د لابراتوارونو لپاره اخیستل شویدي.
