د کابل پوهنتون د نوښت او علمي څېړنو مرستیال معرفي شو
د کابل پوهنتون ریاست او لوړو زده کړو وزارت وړاندیز پر اساس، د ریاست الوزرا لوړ مقام حکم له مخې ښاغلی پوهندوی دکتور حامد سالاري د کابل پوهنتون نوښت او علمي څیړنو مرستیال په توګه و ګمارل شو.
همدارنګه د کابل پوهنتون ریاست وړاندیز او د لوړو زده کړو وزارت لوړ مقام حکم په اساس ښاغلی پوهنوال اسدالله صمدي د کابل پوهنتون د استادانو مسلکي پراختیا مرکز(PDC) آمر په توګه، پوهنمل دکتور محمد علي رضایي د فوق لیسانس برنامو آمر په توګه او پوهندوی عبدالرحمن عثماني د استادانو چارو انسجام آمر په توګه و ګمارل شول.
د کابل پوهنتون رئیس ښاغلي دکتور اسامه عزیز نوي ګمارل شوي اشخاصو معرفي کړل او هغوی ته یې د غوره خدمت کولو او بریا هیله څرګنده کړه او همدارنګه له مخکنیو آمرینو څخه په اخلاص او پوره ژمنتیا ترسره کړیو خدمتونو له امله ستاینه او مننه وکړه.
د یادونې وړ ده، چې تېر کال د کابل پوهنتون د علمي شورا په پیشنهاد او د لوړو زده کړو وزارت او لوړو مقاماتو په منظورۍ، د هېواد په ۲۵ اماراتي پوهنتونو نوکې د څیړنو او نوښت معاونیت رامینځته شول، ترڅو د څیړنو برخه لا پیاوړی شي.
