د کابل پوهنتون د علمي مرستیال پیغام

ډېر خوښ یم، چې د کابل پوهنتون د علمي مرستیال په توګه په ګټوره توګه د محصلینو او استادانو په خدمت کې یم تر څو د هغوی زده کړه ییزې اړتیاوې پوره شي. کابل پوهنتون په ۱۳۱۱ کال د طب پوهنځي په جوړېدو سره خپل سفر پیل کړ. د هر کال په تېرېدو سره د نړۍ والې ټولنې په مرسته نوي څانګو او پوهنځيو په جوړېدو سره ښه پرمختګ وکړ. په اوس وخت کې د ۲۲ پوهنځیو او ۱۰۱ څانګو په لرلو سره د ۲۵۰۰۰ په اندازه د محصلینو کوربه، چې د ۸۹۶ تنو وړ او متخصصو استادانو له لوري، چې زیات شمېر یې د نړۍ له غوره پوهنتونونو څخه د ماسټري او دکتورا لري؛ تدریس کوي.

پنځه لویې سټراټیژيکې موخې د تدریسي کیفت لوړوالی، د هیواد ټولنیزو-اقتصادي اړتیاوو ته ځوابویکې، د محصلینو رضایت، په یو مستقل دولتي پوهنتون باندې بدلېدل او کابل پوهنتون له زده کړه ییز محور څخه په یو څېړنیز محور بدلېدل، د علم توليد، د ثروت تولید او کارموندنه زمونږ د پاملرنې په سر کې ځای لري.

په ساینس او تکنالوژي کې د چټک بدلون او د ټولنې د اړتیاوو زیاتوالۍ، مونږ په دومداره توګه خپل تحصیلي نصاب ته بیا کتنه کړې، چې وکولای شي د باکیفیتې زده کړې ضمانت وکړي او زمون هره برنامه نړۍ وال معتبر معیارونه پوره کړي. پدې توګه د ۶۸ لسانس برنامو، ۲۱ ماسټري برنامو او دوه د دکتورا برنامو په جوړېدو او پراختیا بریالي شو. د دې ترڅنګ تر نصاب هخوا یو شمېر فعالیتونه هم تر سره کیږي، چې زمونږ د محصلینو د فزیکي او فکري شکل جوړونې سبب کیږي.

سربیره پردې، کابل پوهنتون په کور د ننه او بهر د کار او بار په برخو کې له حکومت او نورو تحصیلي او څېړنیزو بنسټونو  سره همکاري او شراکتونه رامنځته کړي دي. له ټولنې سره د منفعت او محصلینو سره د مرستې په موخه د ځوانو اندونو، پوهې او وړتیا په خاطر زمونږ متعهد استادانو او کارمندانو هڅې او زما تعهد شتون لري.

د کابل پوهنتون د ټولنې په استازیتوب، زه خپلو محصلینو ته ډاډ ورکوم، چې مونږ تعهد لرو تر څو مونږ ستاسو د موخو ترلاسه کولو په برخه کې مرسته وکړو او د پوهنتون ټولنه ستاسو په لاسته راوړنو وویاړي.

پوهاند محمد شفیع شریفي

د پوهنتون د علمي چارو مرستیال