د کابل پوهنتون د علمي شورا نوبتي ناسته جوړه شوه
د کابل پوهنتون د علمي شورا نوبتي ناسته د روان کال د زمري په ۱۲ نېټه د سې شنبې په ورځ د کابل پوهنتون رییس او مرسیتالانو او د دې شورا د نورو غړو په ګډون په اکاډمیکو موضوعاتو باندې د نظر شریکولو په موخه د پوهنتون د غونډو په مرکزي تالار کې جوړه شوه.
دا ناسته، چې د کابل پوهنتون رییس پوهاند دکتور محمد عثمان بابري په ریاست جوړه شوې وه پدې ناسته کې په اکاډمیکو او اداري چارو پورې اړوندو موضوعاتو له هغې ډلې: د کابل پوهنتون د انلاین خپرونو کړنلاره، د استادانو د تبدیلي کړنلاره، د پوهنتون له امنیتي کامرو څخه د ساتنې او څارنې کړنلارې ۹ انکشافي برنامې، د تر لسانس پورته برنامو اړوند ۴ موضوعات، د کابل پوهنتون او نورو پوهنتونونو د استادانو د ګمارنې ۱۰ موضوعات، د استادانو د علمي ترفیعاتو ۱۲ دوسیې، د استادانو د منفکي ۴ دوسیې، د محصلینو، استادانو چارو ۲ متفرقه دوسیې او يوه انکشافي برنامه شامله وه، چې د شورا د غړو ترمنځ نظرونه شریک او هر اړخیز بحثونه تر سره شول، چې په پایله کې په پورته هرې یوې موضوع د اصولو او مقرراتو په رڼا کې لاز تصمیمونه ونیول شول او تر تصویب وروسته اړوندو برخو ته د تطبیق په موخه لارښوونه وشوه.
