د کابل پوهنتون او د ناروې د اسلو میتروپالین پوهنتون ترمنځ د علمي او څېړنیزو همکاریو هوکړه لیک لاسلیک شو
د کابل پوهنتون او د ناروې هیواد اسلو میترو پالین پوهنتون ( Oslo Metropolitan University-OsloMet) ترمنځ د همکاریو هوکړه لیک د روان کال د سلواغې میاشتې په ۱۴ نېټه د سې شنبې په ورځ د انلاین ناستې په لړ کې د کابل پوهنتون د رییس پوهاند دکتور محمد عثمان بابري، د دې علمي او محصلينو چارو مرستیالانو، د کابل پوهنتون د یو شمېر پوهنځيو رییسانو په ګډون د کابل پوهنتون د علمي شورا د ناستو په تالار او په انلاین ډول له کابل څخه د ناروې هیواد سفیر ښاغلي اندریس لیندیمن، د اسلو میترو پالیتن پوهنتون رییس او په اسلو ښار کې د افغانستان سفیر دکتور یوسف غفورزي په انلاین زوم(Zoom) له لارې یې د دواړو بنسټونو ترمنځ په علمي، فرهنګي، څېړنیزې او د ظرفیت لوړونې په موخه د زمینې برابرېدلو او په دې دواړو بنسټونو کې د یو بل له امکاناتو څخه ګټه اخیستنې په موخه د همکاریو زمینې برابرولو لپاره د همکاریو هوکړه لیک لاسلیک کړ.
د دې هوکړه لیک لویه موخه په نړۍ والو مطالعاتو، ټولنیزو او طبي علومو کې له نوې ټکنالوژي، طراحې او هنر څخه په ګټه اخیستنه د علمي او اکاډمیکې څېړنو په برخه کې دوه اړخیزه همکاري؛ د ګډو علمي کنفرانسونو او سمینارونو، ظرفیت جوړونه، د کیفت لوړوالی او د یو بل له امکاناتو څخه د ګټې اخیستنې زمینې برابرېدل دي.
د کابل پوهنتون رییس پوهاند دکتور محمد عثمان بابري، په کابل کې د ناروې شاهي هیواد سفیر ښاغلي اندریس لیندیمن، د ناروې هیواد د اسلو میترو پالین پوهنتون رییس ښاغلي کرت رایس، د ناروې هیواد په اسلو ښار کې د افغانستان سفیر ښاغلي یوسف غفورزي د دې هوکړه لیک لاسلیک په مجازي برنامه کې د دواړو هیوادنو د تحصیلي بنسټونو بشري ځواک د ظرفیت لوړونې، له علمي او عملي ګډو تجربو څخه ګټوره استفاده او په څانګړې توګه د بنسټونو د ظرفیت لوړنې او پراختیا لپاره یې د زمینې برابرېدل یې یوه اړتیا یاده کړه او د دې هوکړه لیک په چوکاټ کې یې د ډول- ډول علمي او څېړنیزو همکاریو په تداوم تاکید وکړ.
دا هوکړه لیک، چې څه موده وړاندې د کابل او د ناروې هیواد د اسلو میترو پالین پوهنتونونو د مسوولینو په هڅو کار پرې ترسره شوی وو، د کابل پوهنتون په استازيتوب په ناروې هیواد کې د افغانستان سفیر ښاغلي غفورزي د ناروې هیواد د اسلو میترو پالین پوهنتون رییس ښاغلي کرت رایس له لوري لاسلیک شو.
