د ډيپارټمنټونو د آمرانو شورا

د کابل پوهنتون په اداره، مدیریتي چلن او علمي فعالیتونو کې د ژور بدلانه له امله دې موخو ته د رسېدا لپاره د کابل پوهنتون د امرانو شورا د جوړېدا پرېکړه وشوه، چې د علمي معاونيت په مشرۍ دايریږي.

د کابل پوهنتون د ډيپارټمنټونو د امرانو شورا؛ د ډيپارټمنټونو د امرانو مجموعه ده چې د کابل پوهنتون د لارښودې شورا پرېکړې عملي کوي. پر دې سربېره د ډيپارټمنټونو امران باید د کابل پوهنتون د علمي فعالیتونو د مرکزي هستو په توګه د پوهنتون د راتلونکي په اړه د پوهنتون د عمومي موخو په پامنیوي خپلې مدیریتي- علمي طرحې او تصمیمونه ونیسي. د ټولو ډيپارټمنټونو امران د نوموړې شورا غړیتوب لري.

د نوموړې شورا دندې: د ډيپارټمنټونو د کمېټو ټاکنه، فعالونه او پر څارو یې څار، د ډيپارټمنټ په کچه د کیفیت لوړونې د چارو ارزونه، د ډيپارټمنټونو د علمي پروګرامونو د کالنۍ ارزونې د راپور او هڅو تحلیل او راپور او لارښودې شورا ته یې ورکول، د ډيپارټمنټونو د ستراتیژیکو پلانونو د بطبیق څارنه او ارزونه او نورې هغه دندې چې له وخت او شرایطو سره سمې ورته سپارل کېږي.