د پوهنتون محصلانو د فوټبال سیالیو کې لومړی مقام خپل کړ
د کابل پوهنتون محصلانو د لوړو زده کړو وزارت له لوري د پنځو پوهنتونونو ترمنځ د جوړو شوو فوټبال سیالیو کې لومړی مقام خپل کړ. د دې سيالیو پایلوبه د کابل پوهنتون او پولي تخنیک پوهنتون ترمنځ ترسره شوه، چې کابل پوهنتون په څرګند توپیر بریا خپله کړه.
په دې مناسبت جوړو شویو مراسمو کې د محصلانو د خدمتونو او همغږۍ رئیس استاد کلیم الله محمدي ګډون کړی و، چې د کابل پوهنتون لوبډلې ته یې مبارکي وویله، د لوبغاړو هڅې یې وستایلې او د ورزشي فعالیتونو د پراختیا ژمنه یې وکړه.
د محصلینو صحي وده، ترمنځ يې د یووالي، ملګرتیا او همکارۍ پیاوړتیا او له ناسالمو بوختیاوو څخه يې ژغورنه د دې سياليو هدف ګڼل شوی دی.
