د پروان ولایت توپ درې (استوپه) لرغونې سیمې څخه د ټولنیزو علومو پوهنځي محصلانو علمي سفر
د ټولنیزو علومو پوهنځي لرغون پوهنې او بشرپوهنې څلورم ټولګي او عمومي تاریخ درېیم ټولګي محصلینو د روان کال غبرګولي میاشتې په ۱۱نېټه د پنجشنبې په ورځ د پروان ولایت توپ درې ( استوپه ) لرغونې سیمې څخه لیدنه وکړه.
د پروان ولایت توپ درې تاریخي استوپه اثر په افغانستان کې د اسلام له دورې مخکې د تاریخي اوکلتوري سمبولو څخه دی؛ چې او س مهال نړیوال شهرت لري؛ او د هېواد د تاریخي او مهمو سرچینو څخه شمېرل کیږي.
د ټولنیزو علومو پوهنځي استادانو لخوا دمحصلینو سره ددې تاریخي اثر په اړه علمي معلوماتو ترڅنګ د هغه د خصوصیاتو په اړه هم معلومات شریک شول او همدارنګه د محصلینو پوښتنې یې هم ځواب کړې.
د دې علمي سفر په لړ کې د هزار بغل سیمې خیرخانې مېنې کوتل تاریخي اثر پاتې ساحې او همدارنګه له دې ساحې څخه د وریښمو تاریخي لارې تیرېدنه؛ د یونان باختري او کوشاني دروه کې دافغانستان پایتخت (بګرام سیمې) او د هغه په تاریخي اهمیت په اړه علمي معلومات شریک شول.
په آخر کې محصلینو ددې علمي سفر په لړ کې د کابل پوهنتون له رهبري څخه محصلینو ته د پاملرنې او دترانسپورتي امکاناتو ، وسایلو د چمتو کولو له امله مننه او ستاینه یې وکړه.
