د لیوني سپي ناروغۍ د کنټرول او مخنیوي په اړه علمي کنفرانس دایر شو
دغه کنفرانس کې، چې د کابل پوهنتون د وترنرۍ پوهنځي او د نورزاد د حیواناتو روغتون له لوري دایر شوی وو، د وترنري پوهنځي استادانو او محصلينو، د زراعت او عامې روغتیا وزارتونو استازو او نورزاد د څارویو روغتون مسوولینو حضور درلود.
ویناوالو د دې پروګرام موخه د لیوني سپي ناروغۍ په اړه د پوهاوي لوړول، د خطراتو کابو کول، د خپریدو د مخنیوي لارې چارې او همدارنګه د دې ناروغۍ د له منځه وړلو لپاره د ذې ربطو بنسټونو رول په اړه خبرې وکړې.
