د فزیک او الکترونیک ډيپارټمنټ

الف. پېژندنه:

د فزیک او الکترونیک ډيپارتمېنت د کابل پوهنتون د فزیک پوهنځي په چوکاټ کې یو نوی رامنځته شوی ډیپارتمېنت دی چې د مخابرو او الکترونیکو څېړنو، علمي بنسټونو، د مخابراتو او معلوماتي ټېکنالوژۍ، د عامې روغتیا وزارت او د کرنې او اوبو لګولو، او اوبو او انرژۍ وزارتونو د اړتیاوو پر بنسټ ایجاد شوې ده، دغه ډيپارتمېنت د علمي او مجربو علمي کادرونو په مټ د فزیک پوهنځي په چوکاټ کې فعالیت کوي.

ب. موخې:

۱. لید لوری:

د فزیک او الکترونیک ډيپارتمېنت هڅه کوي چې د خپلو تدریسي خدمتونو (تدریس)، څېړنو، سلا او مشورو او د ټولنيزو پروژو په تطبیق سره، د فزیک په برخه کې غوره علمي کادرونه وروزي، چې خلکو ته په بشپړه توګه با کیفیته خدمتونه وکړي، چې د سیمي او هېواد په کچه یو علمي او اکاډمیک بنسټ شي.

۲. ماموریت:

د فزیک او الکترونیک ډيپارتمېنت د کار بازار اړتیاوو او تخصصيوالي پر بنسټ د غوره تدریس، څېړنو او خدمتونو له لارې د بېلابېلو ښوونیزو او څېړنیزو بنسټونو لپاره متخصص او مسلکي کادرونه روزي.

۳. اساسي موخې:

1. د تخصصي پوهې په ملتیا د پوهې توليد؛
2. د فزیک برخه کې دمتخصصو کادرونو روزل؛
3. د ګټور تحصیلي نظام د پایلو پر بنسټ د کار موندنه؛
4. د محصل‌محوره مېتودونو په مټ د استعدادونو وده او روزنه؛
5. د فزیک په برخه کې څېړنې کول او د څېړنو بنسټیز کول؛

ج.علمي تواميتونه:

د فزیک او الکترونیک ډيپارتمېنت اوس له کوم کورني یا بهرني پوهنتون یا علمي بنسټ سره علمي او تخنیکي توامیت نه لري، خو د فزیک پوهنځي ریاست په کچه د تواميتونه لاسلیکېږي، اوس کوښښ روان دی چې په خپلواکه توګه له صنعتي، علمي او څېړنیزو بنسټونو سره هوکړه‌لیکونه لاسليک شي.

لابراتوارونه او تحصیلي تجهیزات:

• د میخانیک لابراتوار
• د برق او مقناطیس لابراتوار
• د نور لابراتوار
• د الکترونیک لابراتوار
• د هستې لابراتوار

هـ) تحصیلي نصاب (تخصصي مضمونونه)