د ستراتیژيک پلان کمېټه
دا کمېته په ۱۳۹۵هـ ل کال کې د کابل پوهنتون د ریاست په لارښوونه جوړه شوې ده، چې د ستراتیژيک پلان له عملي کېدو څارنه کوي. ددې کمېټې ناستې د کابل پوهنتون د علمي مرستیالیت تر مستقیمې لارښوونې لاندې ترسره کېږي او د کابل پوهنتون مالي او اداري مرستیال یې هم غړی دی. تر څنګ یې د محصلینو چارو مرستیال، د ریاست د دفتر امر او د هر پوهنځي یو استازی په دغه کمېټه کې غړیتوب لري او غونډې یې په کابل پوهنتون کې جوړېږي.
د دې کمېټې مهمې دندې: د وضعیت رښتینې ارزونه، د ستراتیژیک پلان د تدوین په موخه د شته منابعو ارزونه او د پلان د جوړولو لپاره د هغو تحلیل او تجزیه، د کابل پوهنتون د کالني پلان ارزونه او د ښه والي لپاره یې د وړاندیزونو او بدلونونو راوستل. د تدوین په برخه کې د لیدل شوو پرمختګونو راپور ورکول، په کلنۍ توګه د ستراتيژيک پلان له ترتیب راپور ورکول، همدا راز د هغو دندو مخ ته بېول چې د کابل پوهنتون د علمي شورا له لوري دغه کمېټې ته سپارل کېږي.