د جنرېټیف مصنوعي ځیرکتیا درې ورځنی ورکشاپ دائر شو
د کابل پوهنتون ریاضیاتو پوهنځي کې د "Generative AI" درې ورځنی تخنیکی ورکشاپ د پوهنتون مسلکي ترینرانو له لوري ترسره شو، چې د بېلابېلو پوهنځیو ګڼ شمېر استادانو پکې حضور درلود.
د ورکشاپ موخه دا وه چې په اکاډمیکو مراکزو کې د مصنوعي ځیرکتیا له دې نوې برخې څخه په مسلکي، څېړنیزو او تدریسي بهیر کې اغېزمنه ګټه پورته شي؛ څوله دې ټکنالوژۍ څخه د زده کړې، څېړنې، محتوا ترتیب او په ورته نورو علمي برخو کې استفاده وشي.
