د ثالث عمر رحمه الله د ژوند او کارنامو په اړه یو ورځنی سیمنار دائر شو
یاد سیمنار چې د کابل پوهنتون د محصلانو چارو انسجام امریت له لورې دائر شوی وو. پکې د لوړو زده کړو سرپرست وزیر شیخ الحدیث مولوي نداء محمد ندیم صاحب د اسلامي امارت د بنسټ ايښودونکي او محبوب زعیم امیرالمؤمنین ملا محمد عمر مجاهد رحمه الله په ژوند، کارنامو، تقوا او خاکسارۍ رڼا واچوله، زیاته یې کړه چې محصلین دې په دې سیمنار اکتفاء نه کوي، بلکې د لوی ملا صاحب د ژوند، کارنامو او سیاسي بصیرت په اړه دې مطالعې او د مشرانو خبرو اوریدو ته د پاملرنې سره سره د دې مبارک خوی او عادات په ځان کې پیدا کړي.
وروسته د اجنډا سره سم په داسې حال کې موضوعات ارایه شول، چې د لوړو زده کړو وزارت یو شمیر رئیسانو، د کابل پوهنتون رهبرۍ، استادانو او محصلینو حضور درلود.
