د تیاتر ډیپارټمنټ

الف. پیژندنه

د تياتر ډيپارټمنټ په ١٣٥٩ کال کې د نورو ډيپارټمنټونو ترڅنګ را منځته شوه. او اساسي موخه یې د هنرونو لکه تياتر، راډيو، تلويزيون او سينما په برخه کې د ځوانو او لوستو کادرونو روزل دي. له دې ډګر څخه د هېواد په کچه يو زيات شمېر روزل شوي هنرمندان ځلېدلي او دا مهال د هنرونو پوهنځي، د افغانستان ملي راډيو او ټلوېزيون، د کابل تياتر رياست، د افغانستان د فلمونو رياست او په نورو هنري بنسټونو کې په دندو ګمارل شوي دي حتی د راډیو، تلویزیون او سینما د غوره استازو په ګډون.

دا ډيپارټمنټ خپل محصلین په دوو برخو (هنر او تمثیل) کې فارغوي. د تیاتر ډیپارټمنټ محصلین کولی شي خپل د لیسانس مونوګرافونه په دوه لارو (عملي او نظري) د لارښود استاد تر نظر لاندې بشپړې کړي او د لیسانس سند له امتیازاتو څخه ګټه پورته کړي.

د دې ډيپارټمنټ محصلین د هغه نصاب په رڼا کې چې د لوړو زده کړو وزارت د تحصیلي نصاب په رڼا کې را منځته شوی داسې موضوعات زده کړي چې له فراغت وروسته د ښه کار زمینه ورته برابره شي.

هغه محصلین چې له دې ډيپارټمنټ څخه فارغ شوي؛ دوی کولای شي په مسلکي توګه فلمونه، سريالونه، تلويزيوني او راډيويي پروګرامونه جوړ کړي او د دې ډيپارټمنټ له هنري ډيپارټمنټ څخه فارغ شوي محصلين کولای شي په فلمونو، سريالونو، تلويزيوني خپرونو او نورو هنرونو کې کار وکړي او په دې توګه ټولنې ته د خدمت جوګه شي.

د دې ډيپارټمنټ یو شمېر فارغان د اطلاعاتو او کلتور وزارت په هنري څانګو، د ملي تیاتر ریاست، د افغان فلم ریاست، دولتي او خصوصي تولیدخونو، د افغانستان په غږیزو او تصویري رسنیو او نورو فرهنګي او هنري څانګو کې کار او خدمت وکړي.

د تياتر رياست له ملي او نړيوالو بنسټونو سره د دوه اړخيزو همکاريو تړونونه او توامیتونه لري، چې په رڼا کې تیاتر ډيپارټمنټ د يادو بنسټونو له مادي او معنوي همکاريو برخمنه شوې ده.

ب. موخې

1. لید لوری

د تياتر رياست ژمن دی چې په راتلونکي کې د مسلکي تياتر هنرمندانو د روزنيز مرکز په توګه د پام وړ فعاليتونه تر سره کړي، څو د ټولنې له لومړنيو اړتياوو سره سم د تياتر هنرمندان په معياري ډول وروزي او وړاندې کړي.

2. ماموریت

- د تیاتر په برخه کې د مسلکي او فکري متخصصینو روزنه.

- په افغانستان کې د تیاتر ښوونیز خدمتونو معیاري کول.

- د تياتر رياست په کمي او کيفي لحاظ د يوې داسې ادارې په توګه معرفي کول چې په ملي او نړيواله کچه د تياتر اعتبار لري.

- د هیواد په لوی کلتوري مدیریت کې برخه اخیستل، د تیاتري کارونو د تولید له لارې د اسلامي او ملي فرهنګ او ارزښتونو پراختیا او پیاوړتیا.

3. اساسي موخې

د تیاتر ډيپارټمنټ لاندې بنسټي موخې لري، چې له مخې یې، خپل روزنیز پروګرامونه تنظیموي، چې موخه یې د دې ډيپارټمنټ د محصلینو او استادانو د تخصصي پوهې وده ده.

- د دې ډيپارټمنټ د محصلینو د استفادې په موخه د تیاتر په برخه کې د څیړنو، تالیفاتو او ژباړې وده او پراختیا.

- د استادانو لپاره د بهرنیو ژبو پیاوړتیا او د بهرنیو ژبو تدریس ته د محصلینو هڅول.

- له بهرنیو او کورنیو بنسټونو سره دوه اړخیزه اړیکې او توامیتونه.

- لږترلږه په کال کې یو ځل د محصلینو تیاتر فستیوال تنظیمول.

- د وخت د شرایطو او د ټولنې له موثریت سره سم د ډيپارټمنټ د نصاب را منځته کول او تعدیل.

- د دې رياست د نندارتون تالار په عصري څراغونو او توکو سمبالول او د لازمو درسي موادو د بشپړولو هڅه.

- د مسلګي اشخاصو په جذب سره د ډيپارټمنټ د علمي کادر د بشپړولو هڅه.

- د خود کفایۍ او په ځان بسیا کېدو لپاره هڅې او د دولتي او نا دولتي همکاریو راجلبول.

- د تخصصي لوبغاړو او ډایرکټرانو د روزنې لپاره هڅه کول چې د تیاتر هنر له لارې د ټولنیزو ستونزو او نیمګړتیاو او کلتوري مسلو انعکاس کولو وړتیا ولري.

ج) توامیتونه

- د ښکلو هنرونو پوهنځي د تياتر د ډيپارټمنټ په ناروې کې له برګن پوهنتون سره دايمي همکاري لري او د برګن پوهنتون تل د تياتر له ډيپارټمنټ سره د تخنيکي وسايلو د بشپړولو او ترميمولو په برخه کې مادي او معنوي مرستې کړې دي. تیاتر، د جشنونو د ترسره کولو ملاتړ کوي.

- په افغانستان کې د دوستو هېوادونو د فرهنګي مرکزونو لکه د ګویته انستیتوت، برتانوي شورا یا برتش‌کنسل ، GIZ او په کابل کې د فرانسې د کلتوري مرکز، له تیاتر ډيپارټمنټ سره د ننداریزو او فرهنګي برنامو په تنظیم کې تل همکاره وه او ده.

- د سره او سپین ګروپ او پروانه کلتوري او هنري موسسې په ګډون د ډيپارټمنټ د هنري برنامو د تنظیمولو په برخه کې له کورنیو هنري ډلو سره کاري هوکړه لیک او همکاري.

- له اطلاعاتو او کلتور وزارت او د ملي تياتر له رياست سره د همکارۍ او ګډو هنري کارونو هوکړه لیک. په حقیقت کې په ډېری برنامو کې (د تیاتر ډيپارټمنټ او د ملي تیاتر ریاست) د همکارۍ پروګرامونه دوام لري.

د) اکادمیک نصاب (ځانګړي مضامین)