د ترکیې هیواد IHH دفتر مسؤل محمد اوزکیا د کابل پوهنتون څخه لیدنه وکړه
په کابل کې د ترکیې هیواد IHH دفتر رئیس محمد اوزکیا، چې یو خیریه بنسټ دی، له کابل پوهنتون څخه لیدنه وکړه او د پوهنتون له رئیس ښاغلي دکتور اسامه عزیز سره یې د خپل کار په دفتر کې وکتل.
ښاغلي اوزکیا کابل پوهنتون ته په راتګ او د پوهنتون له رئیس سره په خپله لیدنه خوښي څرګنده کړه او په کابل کې یې د IHH دفتر د تاریخ، کړنو او فعالېدو په هکله معلومات ورکړل او د افغانستان د کرنې په برخه کې یې د خپلو همکاریو له چمتو والي خبر ورکړ.
پدې کتنه کې د کابل پوهنتون رئیس، دې پوهنتون ته د ښاغلي اوزکیا راتګ ته د ښه راغلاست او هرکلي ویلو ترڅنګ د دواړو لورو ترمنځ په راتلونکو ناستو ټینګار او هیله وښوده، چې په راتلونکې کې به دغه بنسټ د کابل پوهنتون د کرنې پوهنځي سره په مسلکي برخه کې همکاري وکړي.
