د بیولوژي پوهنځي ډیپارټمنټونه

زولوژي ډیپارټمنټ

زولوژي ډیپارټمنټ په ۱۳۹۵ لمریز کال کې د بیولوژي له پوهنځي سره سم رامنځته شو او خپل اکاډمیک فعالیتونه د دغه پوهنځي تر ریاست لاندې پر مخ بیایي. د دغه ډیپارټمنټ بنسټیز فعالیتونه د پوهنځي له درسي نصاب سره سم، د اړوندو مضامینو تدریس، علمي څېړنې تر سره کول، علمي کنفرانسونه،  د مونوګراف په تدوین کې د زده‌کړیالانو لارښوونه، د پوهنځي او پوهنتون په کچه او د نورو اړوندو ادارو په بېلابېلو کمېټو کې ګډون؛ لکه، د چاپېریال ساتنې ملي ادارې او کابل ژوبڼ د دې ډیپارټمنټ له دندو څخه شمېرل کېږي. زولوژي ډیپارټمنټ په پام کې لري چې د تطبیقي او زماني شرایطو په برابرېدو سره د ډیپارټمنټ پرمختګ او پرمختیا لپاره اغېزناک ګامونه پورته کړي چې له هغې ډلې نه د زولوژي له ډیپارټمنت نه په اختصاصي شکل د زده‌کړیالانو فراغت او په زولوژي څانګه کې د اختصاصي کادرونو روزنه یې د یادونې وړ دي.

د زولوژې ډیپارټمنټ ښوونیزې موخې

• په زولوژي څانګه کې د لیسانس په کچه دولتي او خصوصې ادارو ته د مسلکي او متخصصوکادرونو روزنه
• دولتي او خصوصي ښوونځیو ته د مسلکي او متخصصو ښوونکو روزنه
• د مسلکي زولوجسټانو روزنه
• خصوصي او دولتي ښوونځیو ته د لابراتواري عملي کارونو لپاره د تخنیکي اسیسټانټانو روزنه
• د اهلي او وحشي ژویو په اړه د مسلکي او تخصصي پوهې لېږد له لارې په افغانستان کې د نادرو او له منځه تلونکو ژویو د نسلونو خوندیتوب لپاره مبارزه
• د اقتصادي او فارمي ژویو د روزنې د ډول ډول لارو چارو زده کړه
• په ایکوسیسټم او ورځني ژوند کې د اهلي او وحشي حیواناتو په ارزښت پوهېدل
• د چاپېریال ساتنې او د ژویو د خوندیتوب فرهنګ ترویجول
• د ټولنې په مسلکي او تخصصي پرمختګ کې ونډه اخیستل او د افغانستان اسلامي جمهوریت عالي موخو ته لاسرسی.
• د ژمن او مسلکي کاري ځواک روزنه

د زولوژي ډیپارټمنټ لیدلوری

زولوژي ډیپارتمنټ په پام کې لري چې د  غوره کادرونو د مسلکي او تخصصي کچې لوړوالي او د څېړنو پراختیا په موخه په راتلونکي کې زده‌کړیالان له اختصاصي زولوژي څانګې فارغ التحصیل کړي او په دې برخه کې ټولنې ته د زولوژي په برخه کې کادرونه او متخصص زولوجسټان وړاندې کړي.

 د زولوژي ډیپارټمنټ بنسټیزې موخې

د زولوژي ډیپارټمنټ بنسټیزې موخې د علمي او مسلکي کادرونو روزنه، د زولوژي متخصصینو روزنه چې د زولوژي له بنسټیزو مفاهیمو سره اشنا وي او په ورځني ژوند کې یې وکارولی شي تر څو دا علمي کادرونه په زولوژي ډیپارټمنټ کې د لیسانس دورې له پای ته رسولو وروسته په راتلونکي کې د ښوونیزو مرکزونو د ښوونې او روزنې، په ښوونځیو کې د تدریس، په پوهنتونونو کې د تدریس، علمي او څیړنیزو ادارو، په زراعت څانګه کې، په تخنیکي او مسلکي انسټیټیوټونو کې تدریس، وترنري او چاپېریال ساتنه کې تدریس وکړي او د خصوصي سکټور اړتیاوې پوره کړای شي.

توامیتونه: تر اوسه نه لري

لابراټوار او ښوونیز تجهیزات

د زولوژي ډیپارټمنټ غړي

بوتاني ډیپارټمنټ

بوتاني ډیپارټمنټ د بیولوژي پوهنځي یو له بنسټیزو او اساسي ډیپارټمنټونو څخه دی چې د بیولوژي پوهنځي له رامنځته کېدو سره سم په ۱۳۹۵ لمریز کال کې رامنځته شوی دی. بوتاني ډیپارټمنټ خپل اکاډمیک فعالیتونه د دغه پوهنځي تر ریاست لاندې پرمخ بیایي. د دغه ډیپارټمنټ بنسټیز فعالیتونه د پوهنځي له درسي نصاب سره سم د اړوندو مضامینو تدریس، علمي څطړنو تر سره کول، علمي کنفرانسونو جوړول،  د مونوګراف په لیکلو کې د زده کړیالانو لارښوونه، د پوهنځي او پوهنتون په کچه او نورو اړوندو ادارو او د لوړو زده‌کړو وزارت په بېلابېلو کمېټو کې ګډون، د دغه ډیپارټمنټ له دندو څخه شمېرل کېږي. بوتاني ډیپارټمنټ په پام کې لري چې په راتلونکو کلونو کې د تطبیقي او زماني شرایطو په برابرېدو سره د ډیپارټمنټ د پرمختګ او پراختیا لپاره اغېزناک ګامونه پورته کړي چې ډلې یې له بوتاني ډیپارټمنټ نه په اختصاصي شکل د زده‌کړیالانو فراغت او په بوتاني څانګه کې د اختصاصي کادرونو روزنه د یادونې وړ دي. د بوتاني ډیپارټمنټ علمي کادر غړو شمېر اوس 6 ته رسېږي چې  درې تنه یې د ماسټرۍ په کچه تحصیلي درجې لري او دوه نور یې د دکتورا او ماسټري په دوره کې په تحصیل بوخت دي.

د بوتاني ډیپارټمنټ بنسټیزې موخې

بوتاني پوهنځی دا ماموریت لري چې د کادرونو په روزنه، پوهنتونونو کې تدریس، د لوړو زده‌کړو موسسو، مسلکي انسټیټیوټونو، لیسو او د عامې روغتیا په پروژو کې د څېړنو په برخه کې، کرنې، ځنګلونو، اوبو ورکونې، د څښاک اوبو، چاپېریال ساتنې، د کلیو پراختیا او نړیوالو موسسو؛ لکه، یونیسف او د روغتیا نړیوال سازمان سره کار او فعالیت وکړي.

بوتاني ډیپارټمنټ د عملي تجربو تر سره کولو په موخه د نباتاتو بڼ جوړولو او په تجربو کې د نباتاتو کارونې او له تجربې لاندې نباتاتو روزلو او ساتلو لپاره یو تخصصي او مناسب ځای ته اړتیا لري چې په دې اړه د پوهنځي او پوهنتون رهبرۍ سره هم اړیکه نیول شوې او موضوع ورسره شریکه شوې، له دې سره جوخت ډیپارټمنټ هم پام کې لري چې د مسلکي او متخصصو داخلي او بهرنيو استادانو په مرسته یوه مناسبه طرحه د دغه بڼ د جوړولو او د ضرورت وړ توکو په موخه چمتو کړي او د اړوندو مراجعو له لارې یې په جوړولو کې کوښښ وکړي.

د بوتانې ډیپارټمنټ ښوونیزې موخې

•  په بوتاني برخه کې د لیسانس په کچه دولتي او خصوصي ادارو ته د مسلکي او متخصصو کادرونو روزنه
• دولتی او خصوصي ښوونځیو ته د مسلکي او متخصصو ښوونکو روزنه
• د مسلکي نبات پوهانو روزنه
• دولتي او خصوصي ښوونځیو ته د عملي لابراتواري کارونو لپاره د تخنیکي اسیسټانټانو روزنه
• د هېواد د نباتاتو په اړه مسلکي او تخصصي پوهې د لېږد له لارې په افغانستان کې د ګټورو نباتاتو او له منځه تلونکو نباتاتو د نسلونو خوندیتوب لپاره مبارزه
• په ایکوسیسټم او ورځني ژوند کې د نباتاتو په ارزښت پوهېدل
• د چاپېریال ساتنې او نباتاتو د خوندیتوب فرهنګ ترویجول
• د ټولنې په مسلکي او تخصصي پرمختګ کې ونډه اخیستل او د افغانستان اسلامي جمهوریت عالي موخو ته لاس رسی.
• د ژمن او مسلکي کاري ځواک روزنه

د بوتاني ډیپارټمنټ لیدلوری

بوتاني ډیپارټمنټ په پام کې لري چې د غوره کادرونو د مسلکي او تخصصي کچې لوړوالي او د څېړنو پراختیا په موخه په راتلونکي کې زده‌کړیالان له اختصاصي بوتاني څانګې فارغ التحصیل کړي او په دې برخه کې ټولنې ته بوتاني کادرونه او متخصص نبات پوهان وړاندې کړي.

د بوتاني ډیپارټمنټ ماموریت

بوتاني ډیپارټمنټ اوسمهال د بیولوژي پوهنځي له فعالو ډیپارټمنټونو څخه دی چې هېواد او خلکو ته د لیسانس په کچه د تکړه او متخصصو کادرونو په روزنې بوخت دی.

توامیتونه: نه لري.

لابراتوار او ښوونیز تجهیزات

د بوتاني ډیپارټمنټ غړي