دکابل، البیروني، غزني، پنجشیر، پروان او میدان وردګ پوهنتونو د اسلامي ثقافت، امام او مبلغ نویو بستونو لپاره په شرایطو برابر نوماندانو څخه تخصصي آزموینه واخیستل شوه.
یاده آزموینه د لوړو زده کړو وزازت علمي چارو مرستیال ښاغلي لطف الله خیرخواه، مالي او اداري چارو مرستیال ښاغلي عبدالحسیب او دکابل پوهنتون رئیس ښاغلي دکتور اسامه عزیز په شتون کې په پوره شفافیت او عدالت سره ترسره شوه.
یاده آزموینه دکابل پوهنتون شرعیاتو پوهنځي لخوا واخیستل شوه، چې د ۱۵۰ تنو څخه زیاتو نوماندانو پکې ګډون کړی وو، چې له دې جملې ۲۷ تنه ښځینه نوماندانې پکې شاملې وې، هغه نوماندان چې په آزموینه کې بریالي کیږي، تقریري آزموینه یې وروسته اخیستل کیږي.
نوموړې آزموینه په داسې حال کې واخیستل شوه، چې مخکې له دې د داوطلبانو دمهارت دثبیتولو آزموینه د کابل پوهنتون کمپیوتر ساینس پوهنځي کې په الکترونیکي شکل اخیستل شوې وه.
