د حقوقي ستاژرانو فراغتغونډه تر سره شوه
د کابل پوهنتون د حقوقي زده کړو ملي مرکز د حقوقي ستاژ څوارلسمې دورې (۷۶) محصلین د تخصص په کچه فارغ کړل، چې پکې د لوړو زده کړو وزارت او کابل پوهنتون رهبرۍ ، عدلیې وزارت، سترې محکمې استازو، د حقوقي زده کړو ملي مرکز استادانو او محصلینو ګډون کړی وو.
ویناوالو د نوموړي مرکز کړنې وستایلې او په عملي برخو کې یې له څلور کلن مزل وروسته د محصلینو لپاره یو کلن ستاژ په اړوندو برخو کې یو اهمیت او ضرورت یاد کړ.
د حقوقي زده کړو ملي مرکز د کابل پوهنتون ریاست لاندې د یو کلن ستاژ په بېلا بېلو برخو کې د تخصص او حقوقي ظرفیت لوړونې په کچه وړ او مسلکي کسان ټولنې ته وړاندې کوي.
د یادونې وړ ده چې له دې برنامې څخه د شرعیاتو، حقوقو او سیاسي علومو پوهنځیو محصلان او همدرانګه د دیني مدارسو فاضلان مستفید کیږي چې د یوه کال په موده کې اړونده برخه کې عملي زده کړي تر لاسه کوي.
