په ځمکپوهنه پوهنځي کې د یخچالونو ساتنې او ارزونې په تړاو ۵ ورځنی ورکشاپ پای ته ورسېد
د روان کال کب میاشتې په ۳ نېټه د کابل پوهنتون په ځمکپوهنه پوهنځي کې د اوبو سرچینو، یخچالونو ساتنې، څارنې، ارزونې او تحلیل په اړه جوړ شوی ۵ ورځنی ورکشاپ پای ته ورسېد.
نوموړي ورکشاپ ۵ ورځې دوام وکړ، چې د ځمکپوهنې، انجینري، کرنې او چاپیریال پوهنې پوهنځیو ۲۰ تنه استادانو پکې ګډون کړی وو. ددې ورکشاپ موخه اوبو سرچینو مدیریت، پلان جوړونې او تصمیم نیولو په خاطر د هایدورلوژي مدل پلي کېدل وو.
په دې ورکشاپ کې د کمپیوټري مدلونو څخه په ګټه اخیستنې سره د یخچالونو، د هېواد اوبو سرچینو تحلیل او ارزونه وشوه او د هغه د ساتنې او مدیریت په اړه بحث ترسره شو.
د ورکشاپ وروستۍ ورځ د ځمکپوهنې پوهنځي څلورم ټولګي محصلینو او استادانو د اوبو او انرژۍ وزارت مسؤلینو سره په همغږۍ د عملي کار په ساحه کې عملي کار ترسره کړل.
نوموړی ورکشاپ د ځکمپوهنې پوهنځي هایدرو میترولوژي څانګې استادانو لخوا جوړ شوی وو، د یاد ورکشاپ په پای غونډه کې د کابل پوهنتون مرستیالانو او د ځمکپوهنې پوهنځي رئیس هم برخه اخیستې وه.
