د کابل پوهنتون د حقوقو او سیاسي علومو تمثیلي محکمې ښوونیزې برنامې کې د ګډون ازموینه واخیستل شوه
د کابل پوهنتون د حقوقو او سیاسي علومو پوهنځي تمثیلي محکمې ښوونیزې برنامې کې د ګډون ازموینه، چې په پام کې ده د درې دورو لپاره د ښځو پر وړاندې د تاوتریخوالي د له منځه وړولو په موضوع جوړه شي د ګډون ازموینه واخیستل شوه.
د ازموینې دا سیالي د روان کال د سرطان په ۱۶ نېټه د چهارشنبې په ورځ د کابل پوهنتون د محصلینو چارو مرستیال پوهندوی فیصل امین، د حقوقو او سیاسي علومو پوهنځي د محصلینو ټولنې غړو او د پوهنتون د یو شمېر پوهنځيو د ټولنو رییسانو په ګډون او تر ۲۰۰ زیاتو ګډون کوونکو په ګډون د پوهنتون په مرکزي ایډيتوریم کې جوړه شوه. په پام کې ده، د دې متقاضیانو له ډلې څخه، چې د حقوقو او سیاسي علومو پوهنځي محصلین دي، ۴۸ تنه ورڅخه دې ښوونیزې برنامې ته غوره او په هغه کې به ګډون کوي.
د کابل پوهنتون د محصلینو چارو مرستیال پوهندوی فیصل امین دا برنامه یې د حقوقو اوسیاسي علومو پوهنځي محصلینو لپاره یوه ګټوره برنامه یاده کړه او د حقوقو او سیاسي علومو پوهنځي د محصلینو ټولنې له مسوولینو څخه یې د دې برنامې د جوړېدو په هکله مننه وکړه. وروسته د حقوقو او سیاسي علومو پوهنځي د محصلینو ټولنې رییس ښاغلي ذکریا سادات، چې د دې برنامې د جوړېډو مسوولیت یې په غاړه وو د دې برنامې جوړېدو موخه یې د حقوقو او سیاسي علومو پوهنځي د محصلینود ظرفیت لوړول یاد کړل او همدارنګه یې نورې برنامې، چې د دې ټولنې له لوري د کابل پوهنتون د محصلینو د توانايي د لوړولو لپاره جوړې شوي/ جوړیږي یادونه وکړه.
