په کابل پوهنتون کې د پر مختللې اکاډمیکې رهبرۍ روزنیز ورکشاپ دائر شو
دغه ورکشاپ د روان کال سلواغې میاشتې په لسمه نېټه د پوهنتون مسلکي ودې آمریت (PDC)، لخوا جوړ شوی دی او څلور ورځې به دوام وکړي. په نوموړي ورکشاپ کې د بېلابېلا پوهنځیو رئیسان ګډون لري.
په یاد ورکشاپ کې ګډونوالو ته به د رهبرۍ زده کړې، تضمین کیفیت، د پوهنتونونو درجه بندۍ(Ranking) ، ستراتیژیک پلان، د بحران مدیریت او د اکاډمیکې رهبرۍ اړوند نورو برخو په اړه معلومات ورکړل شي.
پورته موضوعات به د پوهنتون د استادانو لکه هر یو ښاغلي پوهنوال دکتور خال محمد احمدزي، ښاغلي پوهندوی عبدالرحمن عثماني اوښاغلي پوهنمل محمد علي سلطاني لخوا وړاندې شي.
