د کابل پوهنتون علمي شورا غونډه ترسره شوه
د کابل پوهنتون علمي شورا غونډه دروان کال چنګاښ میاشتې په 27 نېټه د سه شنبې په ورځ ترسره شوه.
د دې غونډې په پرانیسته کې د پوهنتون رئیس ښاغلي دکتور اسامه عزیز په بریالي توګه د پسرلني سمستر آزموینو په پای ته رسېدو، د درسونو په بیا پیلېدو او د پوهنتون د تشکیلاتو په زیاتوالي خبرې وکړې او همدارنګه د خوست شیخ زاهد پوهنتون له خوا په ترسره شوي درې ورځني سمپوزیم کې د کابل پوهنتون استادانو فعاله ونډه او مثبت رول لرلو په اړه خبرې وکړې او هغه یې غوره یاد کړ.
په یاده غونډه کې د اجنډاء مطابق په تحصیلي او علمي قضیو له جملې: په اروا پوهنه پوهنځي کې د عمومي اروا پوهنې ماسترۍ برنامې رامنځ ته کېدل، په ځمکپوهنه پوهنځي کې د هایدرولوژي ماستري برنامې رامنځ ته کېدل، په عامه اداره او پالیسي پوهنځي کې د شپې برنامې رامنځ ته کېدل، د فرهنګي کمټې د نوي مسؤل ټاکل، د ستراژیک پلان کمیټې رامنځ ته کېدل، ۱۷ د ګمارنې، ۳ د ترفیع او ۱ موضوع د استادانو علمي رتبو تثبیت په اړه د علمي شورا غړو ترمنځ نظرونه تبادله شول او د قوانینو او مقرراتو سره سم د هغوی په اړه پریکړې ترسره شوې.
