د کابل پوهنتون رئیس د لرغونو او فرهنګي میراثونو د ساتنې ورځې په نمانځغونډه کې ګډون وکړ
د کب شلمه نېټه د لرغونو او کلتوري میراثونو د ساتنې ورځې سره برابره ده، چې د اطلاعاتو او فرهنګ وزارت له یادې ورځې څخه د یوې غونډې په ترڅ کې نمانځنه وکړه.
د کابل پوهنتون رئیس ښاغلي دکتور اسامه عزیز د دې ورځې د نمانځنې په مراسمو کې په دیني متونو کې د لرغونو او فرهنګي آثارو د ارزښت اړه معلومات وړاندې کړل او ټینګار یې وکړ، چې د کابل پوهنتون محصیلنو ته د عملي کار او تجربې ترلاسه کولو او همدارنګه د کیندنې او لرغون پیژندنې په برخه کې به متخصصینو کدرنو د روزلو لپاره زمینه برابره شي، تر څو په راتلونکي کې پدې برخه کې متخصصین وروزل شي او بهرنیو متخصصینو ته اړتیا پیدا نشي.
په دې غونډه کې د اطلاعاتو او فرهنګ وزارت مرستیالانو او همدارنګه د نورو مرسته کوونکو بنسټونو مسولینو هم خبرې وکړې او د هېواد د لرغونو اوفرهنګي آثارو په ساتنه یې ټینګار وکړ.
