د کابل پوهنتون د خواخوږۍ او ډاډ ګېرنې پیغام
Event dates
Event dates -
إِنَّا لِلَّهِ وَإِنَّا إِلَیْهِ رَاجِعُونَ
په ډېره خواشینۍ سره مو خبر تر لاسه کړ چې د کابل پوهنتون د ټولنیزو علومو پوهنځي د انسان پېژندنې او لرغون پوهنې دیپارتمنت استاد پوهنوال زلمي هوتک د ورپېښې ناروغۍ له امله د تل لپاره لدې فاني نړۍ سترګې پټې کړې دي.
پوهنوال هوتک د هېواد علمي ټولنې ته د خدمت او د ځوان نسل د ښوونې او روزنې په لاره کې زیاتې هلې ځلې او زحمتونه ګاللي دي. د کابل پوهنتون رهبري هیئت، ددې علمي بنسټ استادان او کارکوونکي د استاد مړینه او نشتون یوه ستره علمي ضایع او له کورنۍ سره یې پدغه غم کې ځان شریک ګڼي.
د پوهنتون رهبري د ارواښاد لپاره د مغفرت او کورنۍ ته یې د جمیل صبر او عظیم اجر غوښتنه کوي.
روح یې ښاد او یاد یې د تل وي
