د نورستان پوهنتون استادانو ته د ظرفيت لوړونې ورکشاپ پيل شو
د کابل پوهنتون د مسلکي ظرفيت لوړونې آمریت له لوري د نورستان پوهنتون څلوېښت تنو استادانو ته د مسلکي ظرفیت لوړونې په موخه درې ورځنی ورکشاپ پیل شو.
په یاد ورکشاپ کې به د څېړنې بنسټیز اصول، په څېړنه کې له مصنوعي ځیرکتیا څخه سالمه استفاده، په ښوونیز سیستم کې له ټکنالوژي څخه اغېزناکه استفاده، د مقالې د نشر لپاره د نړیوال ژورنال غوره کولو او له سافټویر څخه په استفادې د ډیټا تحلیل موضوعات د کابل پوهنتون د ټرینرانو له لوري ګډونوالو ته تر بحث لاندې ونیول شي.
