د محصلینو چارو معاونیت

د محصلینو چارو معاونیت د کابل پوهنتون د مهمو برخو څخه ګڼل کیږي، چې د دې برخې مسوولیت د محصلینو د اسنادو تکمیلول، تحصیلي سندونو بهیر ترسره کول، د محصلینو د ظرفیت لوړونې لپاره د زمینې برابرول، مناسبه ورزشي فضاء برابرول، مشوره ورکول او د لیلیو مدیریت دی. د محصلینو چارو معاونیت په مستقیمه توګه د کابل پوهنتون ریاست محترم مقام تر اثر لاندې دی او د زده کونکو معیارونو او تجربو ته په کتو یې ډیر فعالیتونه تر سره کړي دي. د لوړو زده کړو قانون ته په کتو د پوهنتون په کچه د محصلینو چارو معاونیت د محصلینو چارو مدیریت په تنظیم کې مهم ځای دی. دا معاونیت په خپل تشکیلاتي چوکاټ کې څلور امریتونه او یو عمومي مدیریت لري، چې عبارت دي له:

۱-د محصلینو چارو امریت؛

۲- د سپورټ امریت؛

۳- د لیلیو امریت؛

۴- د محصلینو خدمتونو د همغږۍ امریت؛

۵- د تحصیلي اسنادو د برابرېدو لوی مدیریت.

پدې معاونیت کې د محصلینو شمېر زیات لوړ دی، چې د ورځې، شپې، ماسټري او دکتورا په پروګرامونو کې تقریبآ (۲۵۰۰۰) محصلین د کابل پوهنتون په مختلفو پوهنځیو کې په زده کړو بوخت دي.