د لوړو زده کړو د DARP MIS ورکشاپ دایر شو
د «DARP MIS » یا د استادانو د ګمارنۍ او علمي ترفعیاتو برېښنایی سیسټم تر عنوان لاندې یو ورځنی روزنيز ورکشاپ دایر شو.
دغه پرمختللی آنلاین پلیټ فارم چې د هر ځای څخه د لاس رسي وړ دی، د علمي هیئت د غړو پیژندنه، ګمارنې، ترفیعات، استعفا، علمي پرمختګونه، علمي اثار ،تحصیلي بورسونه او نور اړوند معلومات په منظم ډول راټولوي او له تحلیل او زېرمه کولو وروسته یې د پرېکړو کولو لپاره د راپورونو په بڼه وړاندې کوي.
دغه ورکشاپ د یاد چوکاټ له جوړښت او کاروونې سره د استادانو او اړوند مسؤلينو د عملي اشنایۍ په موخه د کابل پوهنتون علمي معاونیت په همغږی د لوړو زده کړو وزارت د استادانو د ګمارنی او علمی ترفیعاتو ریاست له لوري جوړ شوی و.
