د فارمسي پوهنځي محصلینو د ابن سینا فارمسي دولتي شرکت درمل جوړولو فابریکې څخه لیدنه وکړه
د کابل پوهنتون فارمسي پوهنځي محصلینو د ابن سینا فارمسي دولتي شرکت درمل جوړولو فابریکې څخه لیدنه وکړه. په دې علمي سفر کې د فارمسي پوهنخي رئیس ښاغلي پوهنوال آقا محمد ژکفر د محصلینو ملتیا کوله.
محصلینو د یادې فابریکې له بیلابېلو برخو څخه د کتنې ترڅنګ د درمل جوړولو عملي پروسې سره، چې د فني مسؤلینو لخوا هر اړخیز معلومات ورکول کېدل، هم بلد شول.
محصلین له دې علمي سفر څخه د خوښۍ ترڅنګ په راتلونکي کې دې ته ورته نورو سفرونو غوښتنه وکړه او همدارنګه د فارمسي پوهنځي رئیس ژمنه وکړه، چې محصلینو ته به ددرمل جوړولو په ټولو فابریکو کې دې ته ورته علمي سفرونو زمینه برابروي.
یاد علمي سفر د کابل پوهنتون فارمسي پوهنځي او ابن سینا فارمسي دولتي شرکت ترمنځ ترسره شوي هوکړه لیک په اساس ترسره شو.
