د داوطلبۍ خبرتیا!
Publish Date
Closing Date
د کابل پوهنتون ریاست په انګړ کې د یو باب کیفېتریا د قرارداد اعلان چې مجموعي مساحت یې (۴۳۰۶.۴۴) مربع متره دی، درې جلا سالونونه، پخلنځی، تشناب او شنه ساحه لري، د لومړنۍ بیې په توګه (۴۵۰۰۰) افغانۍ ټاکل شوې، او د قرارداد موده یې (۵) کاله ده. دا قرارداد هغو افرادو او اشخاصو ته په اجاره ورکول کیږي چې د دې هیواد قانوني تابعیت ولري.
د کابل پوهنتون ریاست او د لوړو زده کړو وزارت له ټولو شرایطو وړ کسانو څخه غوښتنه کوي چې د کابل پوهنتون په انګړ کې د یادې کیفېتریا د قرارداد په داوطلبۍ کې ګډون وکړي. د اړوند شرطنامې چاپ شوی نقل په ۲۰۰۰ افغانیو بې بېرته ورکړې پیسو سره د کابل پوهنتون ریاست د تدارکاتو مدیریت څخه په لاس راوړلی شي. خپلې داوطلبي پاڼې د شرطنامې مندرج شرایطو او د تدارکاتو قانون او کړنلارې په چوکاټ کې له اعلان وروسته په ۲۱ تقویمي ورځو کې تر سهار لس بجو پورې د کابل پوهنتون تدارکاتو مدیریت ته چې د جمال مېنې په سیمه کې، د کارتې سخي څلور لارې ته څېرمه، د علياباد روغتون مخې ته، د کابل ښار درېیمه ناحیه کې موقعیت لري، وسپارئ.
هغه داوطلبي پاڼې چې ناوخته وړاندې شي یا د انټرنېټ له لارې استول شوې وي، د منلو وړ نه دي.
د آفرونو د پرانیستلو غونډه به د اعلان له نشر څخه په ۲۱ ورځو کې سهار لس بجې د کابل پوهنتون ریاست د تدارکاتو مدیریت دفتر کې چې د پخواني پارکنګ دهلیز، د پوستې خونې د دهلیز ښي لاس خونې نمبر (۵) کې موقعیت لري، ترسره شي. د آفر تضمین به د درې میاشتو کرایې په توګه د هر ګډونوال د وړاندې شوې آفر سره سم په نغدي ډول د داوطلبۍ په ورځ اخیستل کیږي.