د لوړو زده کړو بنسټونو مسؤلینو لپاره دوه ورځنی علمي او فکري ورکشاپ پای ته ورسېد
یاد ورکشاپ د لوړو زده کړو وزارت عامه اړیکو، اطلاعاتو او خپرونو ریاست لخوا په لاره اچول شوی وو؛ موخه یې په مرکز او ولایتونو کې د لوړو زده کړو وزارت بنسټونو خپرونو مسؤلینو همغږي او د هغوی علمي کچې لوړېدل بلل شوي دي.
په دې دوه ورځني ورکشاپ کې د کابل پوهنتون ژورنالېزم پوهنځي څلور تنه استادانو او همدارنګه د رسنیو برخې کارپوهانو ګډونوالو ته د خپرونو او رسنیزو چارو په برخه کې علمي او اغېزمن معلومات وړاندې کړل.
د نوموړي ورکشاپ په پای کې د لوړو زده کړو وزارت سرپرست وزیر شیخ ندا محمد ندیم د نظام په اړه د دوښمن تبلیغاتي او رسنیزو جګړې په اړه خبرې وکړې او له ټولو رسنیزو مسؤلینو یې غوښتنه وکړه؛ چې په دې برخه کې بیدار او هوښیار اوسي؛ نوموړي ددې سره سره د هېواد تحصیلي بنسټ خپرونو برخو کې د ستونزو حل او مرستې ژمنه وکړه او هیله یې څرګنده کړه؛ چې ګډونوال له دې ورکشاپ څخه غوره ګټه ترلاسه کړي.
د یاد ورکشاپ په پای کې د هېواد نوم وتی عالم ښاغلي شیخ عبدالحمید حماسي چې د ورکشاپ په ورستۍ ورځ کې یې برخه اخیستې وه؛ د خپرونو برخو له مسؤلینو څخه وغښتل؛ چې د ځوانانو فکري روزنې په اړه خبرې وکړې او له هغوی یې وغوښتل؛ چې د هېواد د جوړونې او پرمختګ په موخه لوړ همت ولري.
د لوړو زده کړو وزارت علمي معین ښاغلي لطف الله خیرخواه د خپرونو له مسؤلینو وغوښتل؛ چې ملت ته د هېواد تحصیلات بنسټ د جوړېدو او ښېرازۍ چارې په همغږۍ، پوره ریښتینولۍ او یوه غږ تر خلکو ورسوي؛ ترڅو هېوادوال له هغوی خبر شي؛ د یاد ورکشاپ په پای کې ګډونوالو ته تصدیق پاڼې هم ووېشل شوې.
