لیدلوری، مأموریت او موخې
لیدلوری:
د ښوونیز مدیریت د ماسټري پروګرام، رهبران او علمي صلاحیت لرونکي او د لوړې درجې درلودونکي متخصصان د ښوونیز مدیریت په ډيپارټمنټ کې ټولنې ته وړاندې کوي. دوی نه یواځې د افغانستان د ښوونیز نظام په اصلاح او ښه والي کې ارزښتمن او حیاتي ګڼل کېږي، بلکې د ټولنې په ټولو برخو کې لوړ اغېز لري، پر دې سربېره د دې پروګرام منځ ته راتګ د ښوونیزو سازمانونو په اوږدمهاله پراختیا او ښې حکومتولۍ کې د خپلو فارغانو په وسیله مهم او ټاکونکی رول لوبوي.
دا پروګرام د څېړنې او مطالعې د فرهنګ په دودولو، او د عملي او ګټورې روزنې د زمینو په برابرولو سره هڅه کوي، تر څو په رهبرۍ، مدیریت او ښوونه کې مهم رول ادا کړي.
ماموریت:
د ښوونیز مدیریت د ماسترۍ پروګرام رسالت د پوهې د کچې لوړاوی او د ښوونیز مدیریت په برخو کې د ښوونیزو سازمانونو او په ښوونیزو او روزنیزو بنسټونو کې د علمي مهارتونو ډېرښت دی.
دا پروګرام د هېواد د راتلونکې مدیران، رهبران او پالیسي جوړونکي د پلان جوړونې په برخه کې د ګډون په روحیه، د حالاتو تحلیل او د موضوعاتو ارزونې او د معقولو تصمیمونو نیولو او په روزنیزو چارو کې ګټور ارتباط ټینګولو ته چمتو کوي. همدارنګه به دا پروګرام، د مطالعې او څېړنې نوې ساحې، نورو پوهنتونو ته د پوهانو او کادرونو د روزنې په منظور ټولو عامه سکټورونو او مؤسسو ته چمتو کړي.
موخې:
د ښوونیز مدیریت د ماسټري د پروګرام د منځ ته راتګ موخې د افغانستان په اوسنیو شرایطو کې، په اداره او مدیریت کې د متخصصو او مسلکي کادرونو روزنه او د لوړو زده کړو او پوهنې وزارت په کچه د ښوونیز نظام ښه والی دی. دا پروګرام په عمومي توګه د هېواد ښوونیز نظام د کارکوونکو، په ځانګړې توګه د رهبري او ښوونیز مدیریت په ډيپارټمنټونو، ښوونیزه ټکنالوژي، د ښوونیز او تحصیلي نصاب د پرمختیا، روزنیزه برنامه جوړونه، نظارت او روزنیزې لارښوونې او نورو برخو کې د تخصصي مهارتونو د ودې او پرمختیا په خاطر جوړ شوی دی.
اساسي موخې:
د ښوونیز مدیریت د ماسټري د پروګرام مهمې موخې:
- د شرایطو بدلون او د ټولنې د اوسنیو غوښتنو مطابق د ځوانو رهبرانو روزنه؛
- له نظري او عملي پلوه د افغانستان او نړۍ په کچه د عامه دولتي او عامه ادارو د ښوونیز مدیریت د مهمو معلوماتو ترلاسه کول؛
- د ټولنې اړتیا ته ته په کتو د مدیریت او پلان جوړونې په برخو کې د متخصصو او مسلکي کادرونو روزنه؛
- د رهبرۍ اړوند د معلوماتو ترلاسه کول او محصلانو ته د ښې زده کړې زمینه برابرول، د دولتي او خصوصي او نورو هغو سکټورنو تر منځ چې د دولتي ادارو په پالیسیو او مدیریت اغېز پرېباسي د اړیکو را منځ ته کول او د شرایطو برابرول؛
- د انتقادي تفکر په برخه کې د اړیکو ټینګول او د محصلانو د علمي او مسلکي ظرفیت د کچې لوړاوی او پراختیا؛
- د ښوونیز او تحصیلي نصاب د جوړونې په برخه کې د محصلانو د وړتیاوو لوړاوی، پروژې جوړونه او د مالي او اقتصادي چارو تنظیمول؛