د سېول انجینرۍ دیپارټمنټ

الف  د ډيپارټمنټ پېژندنه:

د سېول انجینرۍ دیپارټمنټ په ۱۳۳۵هـ ل کال کې رامنځته شوه، تکنالوژيکو او علمي تحولاتو ته په پام دغه ډيپارټمنټ په وروستیو دوو کلونو کې خپل نصاب او تحصیلی موخې نوې کړې دي او د اړتیاوو ارزونې ته په کتو یې بیا کتنه ورباندې کړې ده. په دې توګه دا ډيپارټمنټ محصلینو ته د معتبرو علمي څېړنو او معیاري روزنیزو خدمات ترسره کوي.

ب  د ډيپارټمنټ موخې:

۱- لیدلوری:

د سېول انجینرۍ دیپارټمنټ هڅه کوي چې وړ، تاریخ، طبیعت ملي او سیمه ییز فرهنګ ته په درناوي او همدا راز په نړیواله کچه لیدلوري لرونکي محصلین وروزي، چې د سېول انجینرۍ د ډيزاین او ستراتيژۍ، د پراختیا په برخه کې پالیسۍ جوړونې، د ترانسپورت په څېر د بیخبیناوو مدیریت، چاپېریال ساتنه، ښار جوړونه، د زیانونو کمولو او اطلاعاتو او انرژۍ په برخو کې ټولنې ته خدمات ترسره کړي.

۱- ماموریت:

د ودانیو جوړولو، سرک او پل جوړولو او اوبو د سرچینو جوړولو لپاره د ژمنو، متخصصو، نوښتګرو، انجنیرانو د روزنې په موخه د علمي او کارېدنې وړ مهارتونو د پراختیا زمینه برابرول.

۲- بنسټیزې موخې:

دا دیپارټمنټ هڅه کوي چې د لېسانس په دوره کې متخصص او ژمن انجینران وروزي چې له لاندې وړتیاوو به برخمن وي:

• په انجینري-تخنیکي مؤسسو کې د تدریس وړتیا
• د صنعتي او استوګنیزو ښارګوټیو، د طراحۍ، تدوین، اجرا او ارزونې وړتیا لرل
• د سرک او لارې جوړونې د پروژو طراحي او اجرا
• په ځيرکو ودانیزو چارو کې د علمي څېړنو وړتیا
• د ودانیزو پروژو د نظارتي برنامو د اجرا وړتیا
• د مسلکي-تخنیکي وړتیا د لوړلو لپاره د روزنیزو پروګرامونو د طراحۍ وړتیا
• د سېول انجینرۍ په برخه کې د ماسټرۍ تر کچې محصلینو ته د زده کړو زمینه برابرول

ج. تحصیلي نصاب (تخصصي مضمونونه)