د فلسفې او ټولنپوهنې ډيپارټمنټ

الف. معرفي:

د فلسفې ډيپارټمنټ د ۱۳۵۳ لمریز کال په لومړیو کې د ادب او بشري علومو د پوهنځي په چوکاټ کې د ارواښاد پوهاند ډاکټر سید بهاءالدین مجروح په هلو ځلو تاسیس شو، خو د لومړي کال له فراغت وروسته د فلسفې او ټولنيزو علومو ډيپارټمنټ وتړل شو، چې وروسته د ټولنې د او اړتياوو او د کار د بازار د اړتیا په صورت کې د اويايمې لسيزې په لومړيو کې دا ډيپارټمنټ د فلسفې او ټولنپوهنې په ډيپارټمنټ بدل شو.

د فلسفې او ټولنپوهنې پوهنځي خپل نصاب د پوهنتون د اړتیاوو او اکاډمیکو معیارونو په رڼا کې تنظیم کړی او په منظم ډول یې نوي کړی دی.

ب. موخې:

1. لیدلوری:

د داسې تعلیمي فرصتونو رامینځته کول، چې د فلسفې او ټولنپوهنې په برخه کې د محصلینو پوهه، چلن او مهارتونه له خورا لوړ کیفیت څخه برخمن شي. په دې برخه کې به د فلسفې او ټولنپوهنې ډيپارټمنټ له خلاقه اند سره مل د څېړنې او تدریس پر مټ د نوښتګرو، ژمنو او مسولیت منونکو انسانانو د روزنې په لټه کې وي.

2.مأموریت:

د فلسفې او ټولنپوهنې په برخه کې د علمي او عملي مهارتونو د پراختیا لپاره د لارو چارې رامینځته کول څو د فلسفې او ټولنپوهنې په برخه کې د فلسفې او ټولنپوهنې د ځانګړو کورسونو له لارې ژمن، نوښتګر او وړ زده کونکو روزل شي.

3. اساسي موخې:

په افغاني ټولنه کې د افکارو تولید او د افکارو پیژندنه، او د ټولنپوهنې له اړخه د افغاني ټولنې پېژندنه د دې څانګې له مهمو موخو څخه دي.

د فلسفې او ټولنپوهنې د څانګې نورې موخې په لاندې ډول دي:

1. د فلسفې او ټولنپوهنې په ډيپارټمنټ کې د لیسانس په کچه د محصلینو روزنه او ټولنې ته یې وړاندې کول.
2. د افغاني ټولنې د ستونزو درک.
3. له اړوندو دولتي او خصوصي بنسټونو سره مرسته کول.
4. په ټولنیزو مسلو کې د علمي پروژو تر سره کول.

ج. تحصیلي نصاب (تخصصي مضمونونه)