په کابل پوهنتون کې د یوې علمي څېړنې موندنې « د افغانستان د جزا کوډ ګټې او نواقص» تر عنوان لاندې د یو کنفرانس په لړ کې وړاندې شوې
د افغانستان د جزا کوډ ګټې او نواقص د یوې علمي ګډې څېړنې پایلې د یو کنفرانس په لړ کې د لسګونو ګډون کوونکو، د نظر څښتنانو او د دولتي او خصوصي مختلفو بنسټونو د قضايي او حقوقي برخو استادانو په ګډون د کابل پوهنتون د پالیسي څېړلو ملي مرکز (NCPR) کې جوړ او تر ارزونې لاندې ونیول شوې.
پدې کنفرانس کې، چې د روان کال د کب په ۶ نېټه د چهارشنبې په ورځ د څېړنې د څېړونکو له لوري هر یو استاد نادیه عیان او د کابل پوهنتون د حقوقو او سیاسي علومو پوهنځي رییس پوهندوی نور جهان یوسفزي او همدارنګه پوهنیار محمد منیر کبیر، پوهنیار عبدالجمیل بصیري او پوهنیار روح الله حکیمي د ارزونې په موخه یې د افغانستان د جزا کوډ ګټې، نواقص، مقام، ارزښت او اړتیا بیان، د برنامې ګډونکوونکو ترمنځ ګټور او بحثونه هم تر سره شول. د دې برنامې ګډونکوونکو د دې څېړونکو د زحمتونو د ستاینې ترڅنګ یې د دې څېړنې په ارزښت، اړتیا او استفاده باندې تاکید وکړ او د دوی د معقولو او ارزښتمندو لیدلورو او اندونو او مشورو په شاملېدو سره به څېړنه پوره شي او د موضوع علاقمندانو او د اړوندو ادارو مقاماتو د مطالعې په موخه به چاپ شي.
په واحد قانون کې د متعددو قوانینو توحید، عدلي او قضايي بنسټونو لپاره د اسانتیا رامنځته کول، د عمومي احکامو او قواعدو په برخه کې نوښتونه، د مباحثو د روڼتیا نسبي والی، ساده لیکل، روښاتیا، واحد لیکدود او ... د دې قانون د ګټو له ډلې څخه شمېرل کيږي؛ او په زیاتو برخو کې تناقض، مبهموالی، د اوس وخت د ځینو اړتیاوو په مقابل کې سکوت، املايي او ادبي اشتباهات، د ځینو جرمي او قضايي مسایلو کې د روڼتیا او وضاحت نشتون او ... د دې قانون نواقص، چې د «کوډ» د ادبي اصولو سره په تناقض کې نومول شوي دي بیان کړل. د دې کنفرانس په پای کې پدې تاکید وشو تر څو دخیل بنسټونه د هغې په رفع کولو کې د دې قانون په سمون او زیات کار اخیستو کې ګامونه پورته کړي تر څو د افغانستان یو د مهمو قوانینو څخه غني شي او له ابهاماتو او کله د قانون جوړوونکو او د هغوی د مجریانو له لوري کله ناسم تفسیر څخه په امان کې وي.
دا څېړنه، چې د کابل پوهنتون د پالیسي څېړلو ملي مرکز له لوري یې غونډه جوړه شوې وه ډېر ژر به د همدې مرکز له لوري چاپ او د خپلو لوستونکو په واک کې ورکړي.
