په کابل پوهنتون کې د ښځو پر وړاندې د تاوتریخوالي د ۱۶ ورځيني کمپاین مراسم جوړ شول
د ښځو پروړاندې د تاوتریخوالي د ۱۶ ورځيني کمپاین مراسم د نوامبر د ۲۵ څخه د یادونې په موخه د ښځو پروړاندې د تاوتریخوالي نړۍ الې ورځې څخه د یادونې په موخه د روان ۱۳۹۹ کال د لیندۍ میاشتې په ۵ نېټه د لوړو زده کړو وزیر، د لوړو زده کړو وزارت مالي او اداري مرستیال، د کابل پوهنتون رییس او یو شمېر استادانو، د کابل پوهنتون د یو شمېر پوهنځیو رییسانو، د لوړو زده کړو وزارت د مرکزي ادارو رییسانو او کارکوونکو په ګډون د کابل پوهنتون د ښکلو هنرونو پوهنځي په تالار کې جوړ شول.
د لوړو زده کړو وزیر دکتور عباس بصیر پدې غونډه کې خبرې وکړې او د ښځو پر وړاندې د تاوتریخوالي کمولو ۱۶ ورځیني کمپاین په جوړېدو یې خوښي وښوده، ویې ویل: په خواشینۍ سره زمونږ په ټولنه کې تاوتریخوالی په مختلفو ډولونو سره تر سره کیږي، چې له هغې ډلې څخه د ښځو پر وړاندې تاوتریخوالی یې یو هغه دی، ولې د خوښي ځای دی، چې پدې وروستیو کلنو کې د معارف او لوړو زده کړو په برخو کې د ښځو او نجونو حضور ته زیاته زمینه برابره شوې ده. نوموړي وویل، چې په زده کړه سره کولای شو د تاوتریخوالي شومې پدي باندې بریالي او له هغې لارې کولای شو ټولنیزه پوهه لوړه او کولای شو ټولنیزو کړنو ته هم بدلون ورکړو. ښاغلي بصیر د دین د تاوتریخوالي په هکله نازل شوي ایات ته په اشاره وویل، چې د ښځې توهین او تحقیر، د ښځې پر وړاندې تاوتریخوالی او د ښځې وهل او ډبول د اسلام له نظره منعه دي او حتی د انساني کرامت مخالف دي. په خواشيني سره د دین د اصولو څخه د سم درک نشتون د تاوتریخوالي سبب شوی، چې د درک پیاوړتیا او د ټولنیز ظرفیت لوړوالی د علم او پوهې د تر لاسه کولو څخه بغیر امکان نلري.
دکتور بصیر د لوړو زده کړو وزارت د وروستیو برنامو په پلي کېدو خوښي وښوده او د جندر د سټراټيژي ترتیب او پلي کېدل، د تبعیض پروړاندې د مبارزې پالیسي، د لوړو زده کړو په بنسټونو کې جنسیتي زورونې، چې اوس د لوړو زده کړو بنسټ کې د ښځو پر وړاندې د تاوتریخوالي له منځه وړلو په پالیسي هم کار روان دی ترڅو څنګه وکولای شو د ښځو پر وړاندې منفي تفکر ته بدلون ورکړو او د لوړو زده کړو بنسټ څخه د تبعیض او تعصب ډولونه له منځه یوسو. دکتور بصیر ټیګار وکړ، چې په تحصیلي بنسټونو کې د علم زده کړې ترڅنګ ، فرهنګ جوړونه، د ځوانانو په زړونو کې د مینې تخم کرل او همپالنه د لوړو زده کړو ټولنې له بنسټیزو دندو څخه ده، چې د رهبري او د پوهنتونونو او استادانو رول مهم او ګټور دی. ښاغلي بصیر په پای کې وویل، که لوړې زده کړې ونکولای شي، د تاوتریخوالي کلتور د تحمل په کلتور بدل کړي، خپل کار یې په سم شکل ندی تر سره کړای. زمونږ دنده د نورو علومو د زده کړې ترڅنګ د چلند زده کړه هم ده.
د کابل پوهنتون رییس پوهاند دکتور محمد عثمان بابري هم پدې غونډه کې خبرې وکړې او د ې غونډې ته یې د لوړو زده کړو وزیر او نورو ګډونوالو ته ښه راغلاست وویل او د ښځو پر وړاندې د تاوتریخوالي د له منځه وړلو د ۱۶ ورځيني کمپاین جوړېدو باندې خوښي وښوده، د ډول- ډول تاوتریخوالو په ځانګړي توګه د ښځو پر وړاندې تاوتریخوالی يې په هیواد کې یوه شومه پدیده یاده کړه او د هغې ریښه یې په هیواد کې د دردوونکي واقعیت لکه: ټولنیز او اقتصادي وروست والی، ناسم سنتي کلتورونه او وروستۍ جګړې یادې کړې. ښآغلي بابري د مختلفو ډولونو د تاوتریخوالي له منځه وړلو کې بنسټیز رول د کورنیو، د پوهنې او لوړو زده کړو وزارتونو یاد کړ او د خپلو خبرو په پای کې یې هیله وښوده تر څو یوه ورځ په هیواد کې د تاوتریخوالي په ځانګړي توګه د ښځو پروړاندې تاوتریخوالی پای ومومي او د دې کمپاین له جوړوونکو څخه یې مننه او ستاینه وکړه.
د ښځو چارو وزارت د څارنې او ارزونې رییسې مېرمن نفیسې کوهستاني پدې غونډه کې د ښځو چارو وزیرې پیغام په لوستلو سره یې ټول خلک په ځانګړي توګه د هیواد د لوړو زده کړو ټولنه د ښځو پر وړاندې د تاوتریخوالي ۱۶ ورځیني کمپاین ته وبلله.
دا غونډه، چې د سهار په ۹:۳۰ پیل د موسیقي په غږېدلو او د تیاتر په نندارې سره د غرمې په ۱۲ بجو پای ته ورسېده.
