د عمومي تاریخ ډيپارټمنټ

الف. معرفي:

دا ډيپارټمنټ په ۱۳۳۶ هجري لمریز کال کې د ادبیاتو او بشري علومو د پوهنځي په چوکاټ کې تاسیس شو او تر ۱۳۵۹ لمریز کال پورې د دغه پوهنځي په چوکاټ کې فعال و.

له ۱۳۵۹ کال راهیسې یې د تاریخ او فلسفې پوهنځي په چوکاټ کې د ژورنالیزم، توکم او فلسفې له ډيپارټمنټونو سره یو ځای فعالیت درلود او له ۱۳۷۱ لمریز کال څخه د عمومي تاریخ ډيپارټمنټ د فلسفې او ټولنپوهنې، لرغونپوهنې - انتروپولوژي او معاصر تاریخ سره یو ځای د ټولنیزو علومو په پوهنځي کې فعالیت لري.

په ۱۳۶۴ هجري لمریز کال کې د دې څانګې په چوکاټ کې د تاریخ د ماسټرۍ پروګرام پیل شو او تر ۱۳۷۰ هجري لمریز کال پورې یې دوام درلود، چې له بده مرغه له ۱۳۷۰ لمریز کال وروسته د دې څانګې د ماسټرۍ د پروګرام فعالیت ودرېد.

د عمومي تاریخ ډيپارټمنټ د شپې او ورځې دوې برخې لري، د کریډیټ له بشپړولو او د مونوګرافونو له لیکلو وروسته د شپې او ورځې محصلین د تاریخ په برخه کې د عمومي تاریخ برخې د متخصصینو په توګه ټولنې ته وړاندې کیږي، چې د عمومي تاریخ د څانګې اصلي موخه د ژمنو، پوهو او پر وطن مینو ځوانانو روزنه ده.

ب. موخې:

لیدلوری:

د داسې تعلیمي فرصتونو رامینځته کول، چې د عمومي تاریخ په برخه کې د زده کونکو پوهه، چلند او مهارتونه له خورا لوړ کیفیت څخه برخمن شي. په دې برخه کې به د عمومي تاریخ ډيپارټمنټ له خلاقه اند سره مل د څېړنې او تدریس پر مټ د نوښتګرو، ژمنو او مسولیت منونکو انسانانو د روزنې په لټه کې وي.

مأموریت:

د عمومي تاریخ په ډګر کې داسې تعلیمي فرصتونو رامنځته کول، څو محصلین د تاریخ په برخه کې له خورا لوړې پوهې او ظرفیت څخه برخمن شي. په دې برخه کې به د عمومي تاریخ ډيپارټمنټ له خلاقه اند سره مل د څېړنې او تدریس پر مټ د نوښتګرو، ژمنو او مسولیت منونکو انسانانو د روزنې په لټه کې وي.

اساسي موخې:

د کابل پوهنتون د ټولنيزو علومو د پوهنځي په چوکاټ کې د عمومي تاريخ ډيپارټمنټ د جوړېدو موخه د هېواد د تاريخ مطالعه او څېړنه، د ملي عنعناتو او وياړونو ژوندي ساتل او د دې خاورې له وياړونو سره اشنايي.

دا ډيپارټمنټ د وطن د بچو د روزلو او د خپلو نيکونو د تاريخ او وياړونو د ورپيژندلو او د مسؤله، با احساسه او پوهو خلکو د روزلو لپاره ده، څو د وطن د بچيانو او د ګرانې خاورې په ساتنه کې مثبت رول ولوبوي.

په دې ډيپارټمنټ کې اوس هم هڅې روانې دي، چې ځوانان د تاریخ په علومو پوره پوه او له هغه سره اشنا شي. په پای کې، د دې څانګې موخه د تاریخ د علم بډایه کول او د دې څانګې زده کونکو ته د تاریخ علم معرفي کول دي.

پر بنسټي موخو سربیره، دا ډيپارټمنټ لاندې موخې هم لري:

1. د تاریخ د علم د تدریس او څیړنې لپاره د متخصص پرسونل روزنه.
2. راتلونکو نسلونو ته د هیواد د تاریخ په ورپیژندلو سره د ملي روحیې رامینځته کول.
3. د هیواد د تاریخي ارزښتونو او تاریخي زېرمو د ساتلو لپاره د فعاله شخصیت لرونکو ځوانانو روزنه.
4. د هغو کسانو روزنه چې د یو بل منلو روحیه او پراخ لید ولري.

د. تحصیلي نصاب (ډيپارټمنټ وال مضامین)