د ارتباطاتو د مطالعې ډيپارټمنټ

الف. پېژندنه:

د ارتباطاتو د مطالعې ډيپارټمنټ پر ۱۳۸۷هـ ل د ارتباطاتو او ژورنالېزم پوهنځي په چوکاټ کې رامنځته شو، چې د ارتباطاتو په برخه کې خورا پرمختللی تحصیلي نصاب لري.

ب. موخې:

د دې ډپیارټمنټ د رامنځته موخه د مسلکي او علمي زده کړو د کیفیت لوړونه، کارپنځونه، په اوږده مهال د کاري تخصصي وړتیاو وده او په ملي او نړیواله کچه د ارتباطاتو په برخه کې د اړتیاوو پوره کول دی.

۱. لیدلوری:

د ارتباطاتو د مطالعې ډيپارټمنټ بېلابېلې موخې لري، د دې ډیپارټمنټ فارغان په خصوصي او دولتي شرکتونو او مؤسسو کې کار کولای شي، په هره اداره کې د ارتباطاتو تنظیم او انکشاف یو اړینه چاره ده. بېلابېلې ادارې د خپلو ارتباطاتو د تنظیم لپاره متخصصو کارکوونکیو ته اړتیا لري چې له نورو ادارو سره یې اړیکې تنظیم کړی. په دې ډيپارټمنټ کې په تخصصي او مسلکي زده کړو سره فارغان دا وړتیا پیداکولا شي چې د کار په برخه کې ښه وځلېږي، له بېلابېلو ننګونو سره مبارزه وکړي او د ارتباطي مفاهیمو په ژور درک سره په اړوند مؤسسو کې ښه خدمات ترسره کړای شی او ځانته له کاري او فرهنګي پلوه یو ښه او مناسب چاپېریال برابر کړي.

۲. دنده:

د ارتباطاتو د مطالعې ډيپارټمنټ د تدریس د معیاري امکانانو په مټ د دې برخې ژمنو او مستعدو محصلینو ته د ښې زده کړې اسانتیاوې برابروي. د خپلو محصلینو د وړتیا په لوړونه کې البته له مارکیټ سره اوږه په اوږه د ټولنې د اړتیاو د پوره کونې لپاره اغېزناګ ګامونه پورته کوي، چې په پایله کې به یې په ملي او نړیواله کچه لایق اوکارپوه کادرونه وړاندې کړي.

۳.ارزښتونه:

• د ارتباطاتو او ژورنالېزم پوهنځي، کابل پوهنتون او د لوړو زده کړو د تګلارو، قوانینو او پالیسیو پامنیوی.
• پر ورځینو معیارونو د برابرو محصلینو او مسلکي کسانو روزنه.
• د ډيپارټمنټ د استادانو او محصلینو د ټولو علمي- څېزنیزو چارو ملاتړ.
• د ډيپارټمنټ د غړو او محصلینو تر منځ د علمي، تدریسي او څېړنیزو چارو پر مهال د صداقت، اخلاقو او ژمنتیا پیاوړي کول.
• د تدریس پر مهال د اطلاعاتي او ټکنالوژيکي پرمختیاوو څخه استفادې، کریډيټ او کیفیت لوړونې ته ځانګړې پاملرنه
• د استادانو او محصلینو د مسلکي او علمي مهارتونو لوړونه
• د ارتباطاتو په برخه کې د څېړنې د نویو اصولو او لارو چارو د مهارتونو زده کړه.

د هېوادپالنې د روحیې د پراختیا په میله د ټولو انساني، ملي او اسلامي ارزښتونو پامنیوي او د هر ډول ژبنیو، قومي او بېلتونپالو هڅو پر خلاف مبارزه د دې ډيپارټمنټ په اساسي ارزښتونو کې راځي.

د. تحصیلی نصاب (تخصصي مضمونونه)