د نارینه محصلینو په لیلیه کې د اوبو فلتر کولو دوه پایې ماشینونه ګټې اخیستنې ته وسپارل شول
د پراختیایي او ودانیزو کارونو په لړ کې دا ځل د کابل پوهنتون، نارینه محصلینو په لیلیه کې دوه پایې د اوبو فلتر کولو لوی ماشینونه ګټې اخیستنې ته وسپارل شول. یاد فلترونه به په هر ساعت کې ۲۵۰ لیتره اوبه تصفیه کوي . ددغو ماشینونو تصفیه شوې اوبه د بازار له تصفیه شویو اوبو څخه دوه برابره غوره دي.
د کابل پوهنتون مالي او اداري چارو مرستیال ښاغلي حافظ عبیدالله عبیده وایي: د کابل پوهنتون رهبري د څښلو صحي اوبو سره د محصلینو د کموالي په درک کولو سره پریکړه وکړه، چې په لیلیه کې د اوبو د تصفیه کولو ماشینونونه جوړ شي، دا لومړی ځل د ی چې، په لیلیه کې یاده کړنه ترسره کیږي.
نوموړی زیاتوي چې، یاده کړنه د محصلینو د روغتیا په برخه کې به ګټور ګام وي او موږ مکلف یو ترڅو د محصلینو لپاره خوندي چاپیریال چمتو کړو.
ددې ماشینونو ترڅنګ د اوبو د ذخیره کولو په موخه دوه ذخیرې چې ۳۰۰۰ لیتره اوبو د ذخیره کولو وړتیا لري هم جوړې شوې دي. انجینر جاوید الکوزی د یادو فلترونو له کیفیت او اغیزمنتیا څخه ډاډ ورکوي او وایي، چې د یاد فلترونو په فعالیدو به د لیلیې د محصلینو د څښلو صحي اوبو ستونزې حل شي.
د لیلیې محصلینو د پوهنتون رهبرۍ څخه ددې کار له امله خوښي وښووده او هغه یې د دوی د روغیتا په برخه کې ګټور یاد کړ، دوی هیله لري، چې یاد فلترونه د به په لیلیه کې د څښلو صحي اوبو د کموالي ستونزه حل کړي.
د لیلیې مسؤلینو د یادو فلترونو له نصبولو څخه خوښي څرګنده کړه او د هغه پر ساتنه یې ټینګار وکړ.
د یادونې وړ ده چې د کابل پوهنتون په لیلیه کې له ۲۰۰۰ څخه زیات محصلین شپې او ورځې سبا کوي.
