د کابل پوهنتون له لوري د «کمال خان بند د کرنیزې غوړېدا، اقتصادي پراختیا او حقوقي-سیاسي مسایلو ارزونه» تر عنوان لاندې دویم علمي سمینار جوړ شو
د روان کال د کب په ۲۷ نېټه د «کمال خان بند د کرنیزې غوړېدا، اقتصادي پراختیا او حقوقي-سیاسي مسایلو ارزونه» دویم علمي کنفرانس د کابل پوهنتون رهبري او استادانو په نوښت په داسې حال کې، چې د لوړو زده کړو وزارت علمي مرستیال پوهنمل عبدالتواب بالاکرزي او د کابل پوهنتون د یو شمېر پوهنځیو رییسانو او محصلینو په انلاین ډول پکې ګډون کړی وو، د موضوع اړوند دوه برخې علمي ویناوې او علمي او څېړنیز کنفرانسونه یې درلودل د کابل پوهنتون د علمي شورا په تالار کې جوړ شو.
د کابل پوهنتون رییس پوهاند دوکتور محمد عثمان بابري په دې سمینار کې اوبه یې د هیواد ملي پانګه یاده کړه ویې ویل: د اوبو مدیریت او د هیواد د اوبو سرچینو په اړه څېړنه یوه مهمه اړتیا ده او دا د پوهنتونونو دنده ده، چې پدې برخه کې زیات کار وکړي د کابل پوهنتون په وینا د کمال خان بند جوړېدل د هیواد په اقلیم، اقتصاد، کرنې او په ټولنیز ژوند کې مهم او حیاتي اغېز لري. نوموړي زیاته کړه، چې کابل پوهنتون د اقلیم بدلون ته په کتو د هیواد د اوبو سرچینو باندې به زیاته څېړنه تر سره کړي.
همدارنګه د لوړو زده کړو وزارت علمي مرستیال پوهنمل عبدالتواب بالاکرزي وویل، چې د هیواد د اوبو سرچینو باندې څېړنه او د هیواد د اوبو مدیریت باید ګټور او په درد خوړونکی واوسي تر څو پدې برخه کې د ستونزو حل کوونکی وي. ښاغلي بالا کرزي زیاته کړه، چې د هیواد د اوبو سرچینو باندې څېړنه او علاقمندي زیاته ده او پدې برخه کې به کابل پوهنتون مخکې وي. د لوړو زده کړو وزارت د علمي مرستیال په وینا تر اوسه د کمال خان د بند د پرانیستي په ویاړ د هیواد په پوهنتون کې دیارلسو څخه تر څوارلسو علمي کنفرانسونه جوړ شوي دي. همدارنګه د کابل پوهنتون د حقوقو او سیاسي علومو پوهنځي استاد پوهندوی نجیب اقافهیم، د کابل پوهنتون د ځمک پېژندنې پوهنځي استاد پوهاند لطف الله صافي، د انجنیري پوهنځي استاد پوهنوال دکتور عبدالقیوم کریم خپل علمي سمینارونه او څېړنې یې د هیواد په ځانګړيتوګه د کمال خان بند د اوبو مدیریت څرنګوالي په هکله وړاندې کړې، چې د ګډونکوونکو د پاملرنې وړ وګرځېدې او په پای کې یې د ګډونکوونکو پوښتنو ته هر ړخیز ځوابونه وویل.
