د لوړو زده کړو وزارت علمي مرستیال د کابل پوهنتون له مرکزي کتابتون څخه لیدنه وکړه
د لوړو زده کړو علمي مرستیال ښاغلي لطف الله خیرخواه په داسې حال کې، چې د کابل پوهنتون ښاغلي رییس دکتور اسامه عزیز یې ملتیا کوله د کابل پوهنتون مرکزي کتابتون څخه لیدنه وکړه او د دې کتابتون له مسوولینو سره یې د کتابونو د غوره ساتنې، د کتابتون د غني کولو او له کتابتون څخه د محصلینو لپاره د زیاتو سهولتونو برابرولو باندې خبرې وکړې او پدې برخه کې یې د مسوولینو د پاملرنې غوښتونکی شو او همدارنګه یې د کابل پوهنتون د مرکزي کتابتون د غني کېدو لپاره یې اماده ګي وښوده.
د کابل پوهنتون مرکزي کتابتون د هیواد په کچه یو د لویو کتابتونونو له ډلې څخه ده، چې په هغه کې د مختلفو رشتو زرګونه ټوکه کتابونه په مختلفو څانګو لکه انلاین، ریفرینس، توزیع او همدارنګه په زرګونه عنوانه تېزسونه، مونوګرافونه، علمي او معلوماتي مجلې او اخبارونه شتونه لري، چې هره ورځ په یلګونه محصلین، استادان او څېړونکي ورڅخه د خپلو علمي او څېړنیزو کارونو کې ورڅخه ګټه پورته کوي.
