په کابل پوهنتون کې د افغانستان د طبي شورا ګډونکوونکو ازموینه واخیستل شوه
د افغانستان د طبي شورا د ګډونکو ازموینه د روان کال تلې په ۲ د جمعې په ورځ د لوړو زده کړو وزارت د محصلینو چارو مرستیال سید اسماعيل روحاني، د ازموینو ملي ادارې رییس پوهاند عبدالقدیر خموش، د کابل پوهنتون د رهبري غړي او د افغانستان د طبي عالي شورا ادارې هئیت په ګډون په کابل پوهنتون کې واخیستل شوه.
د لوړو زده کړو وزارت د محصلینو چارو مرستیال د دې غونډې په پیل کې د داوطلبانو لپاره د بریالیتوب ترڅنګ یې پدې ازموینه کې په روڼتیا او د عدالت په تامین تاکید وکړ. انجنیر روحاني وویل، چې د الله ج په فضل د ازموینې سیسټم داسې جوړل شوی، چې په هغه کې هېڅ ډول جعل او تقلب نفوذ نشي کولای او یواځې د داوطلبانو د بریالیتوب معیار د هغوی وړتیا او توانايي ده. همدارنګه د لوړو زده کړو وزارت د محصلینو چارو مرستیال وویل، چې د افغانستان د زورېدلې ټولنې په روغتیا کې ډاکټر مهم او بنسټیز رول لري او پدې برخه کې اسلامي امارت له ډاکټرانو سره هر ډول همکاري ته چوتو دی تر څو هغوی وکولای شي خلکو ته روغتیايي ګټور خدمتونه وړاندې کړي.
پدې غونډه کې د ازموینو ملي ادارې رییس پوهاند عبدالقدیر خموش او د کابل پوهنتون علمي مرستیال پوهاند محمد شفیع شریفي هم په ازموینه کې د روڼتیا څخه ډاډ ورکړ او د ګډونکوونکو لپاره یې د بریالیتوب غوښتونکي شول.
د افغانستان د طبي شورا کې د داخېلېدو (Exit Exam) په ازموینه کې ۴۸۰۰ تنو ګډون کړی وو، چې د هغوی له ډلې څخه ۱۵۰۰ تنه یې ښځینه او پاتې نور یې نارینه وو.
د یاونې وړ ده، چې د ښځینه ګډون کوونکو ازموینه د ښوونې او روزنې په پوهنتون او د ذکورو ګډونکوونکو ازموینه د کابل او پوليتخنیکي پوهنتونونو کې واخیستل شوه.
