د کابل پوهنتون د ټولنیزو علومو پوهنځي د دې پوهنځي د متقاعدو استادانو له کړنو او خدمتونو څخه یادونه وکړه
د روان کال د غوايي په ۵ نېټه د یکشنبې په ورځ د کابل پوهنتون د ټولنیزو علومو پوهنځي د یوې غونډې په لړ کې د دې پوهنځي د متقاعدو استادانو له خدمتونو او کړنو څخه په داسې حال کې، چې د کابل پوهنتون رییس او د دې پوهنتون د محصلینو چارو مرستیال، د ټولیزو علومو پوهنځي د علمي کادر غړو هم شتون درلود ستاینه وکړه.
د کابل پوهنتون رییس پوهاند دکتور محمد عثمان بابري د ټولنیزو علومو پوهنځي ریاست څخه یې د دې غونډې د جوړېو څخه د ستاینې ترڅنګ یې وویل، چې د متقاعد شوو استادانو علمي او اکاډمیک کارونه د هېرولو ندي او ویې ویل، چې دا استادان د هیواد سره د عشق او مینې، علمي او معنوي ارزښتونو سمبول دي او د دوی ځای د کابل پوهنتون رهبري سره به حفظ وي او کابل پوهنتون هڅه کړي تر څو تر تقاعد وروسته دا عزیز القدر استادان هم له ځانه سره ولري او د هغوی له علمي اندونو او تجربو څخه ګټه پورته کړي.
د کابل پوهنتون د ريیس په وینا متقاعد استادان تر پخوا څخه د زیات د کابل پوهنتون په رهبري باور وکړي؛ ځکه د پوهنتون علمي شورا «د متقاعدو استادانو د علمي اواکاډمیکو ظرفیتونو څخه د ګټې اخیستنې طرزالعمل» یې تصویب کړی دی او د هغې یوه کاپي یې د لوړو زده کړو وزارت ته هم استولې و د دې طرزالعمل په رڼا کې د متقاعدو استادانو له ظرفیت څخه په علمي او اکاډمیکو حوزو به ګټه پورته کړي او پدې برخه کې جدي هڅې روانې دي.
د کابل پوهنتون د ټولنیزو علومو پوهنځي رییس پوهندوی فرید الله فرهمند پدې غونډه کې خبرې وکړې او د دوی له ځانګړنو، اخلاقو او خاطرو څخه یې په نېکه یادونه وکړه. پوهندوی فرهمند په خپلو خبرو کې وویل: «د علمي کادر پخواني غړي د پوهنتون با ارزښته پانګه شمېرل کیږي او هغه استادان، چې په روان کال کې تقاعد شوي دي د هغو استادانو له ډلې څخه شمېرل کیږي، چې نومونه یې د ټولنیزو علومو پوهنځي په تاریخچه کې ثبت شوې او د دې پوهنځي پراختیا او پرمختیا د هغوی د زحمتونو احسان منده ده او د ټولنیزو علومو پوهنځي رهبري دا په هېڅ صورت نه هېروي.»
همدارنګه د ټولنیزو علومو پوهنځي رییس زیاته کړه، چې د کابل پوهنتون محترمه رهبري متقاعدو استادانو ته د درناوي په موخه برنامې په پام کې لري او «د پخوانیو او متقاعدو استادانو له پوهې او وړتیاوو څخه د ګټې اخیستنې لایحه» تر عنوان لاندې طرحه جوړه کړې ده، چې د کابل پوهنتون په علمي شورا کې تائید شوې او پدې برخه کې یې د کابل پوهنتون ریاست له ځانکړې پاملرنه څخه مننه وکړه او هیله مندي یې وښوده، چې پدې برخه کې ژر تر ژره عملي ګامونه پورته شي او د متقادو استادانو له معنوي ملاتړ څخه ښه ګټه پورته شي.
پدې غونډه کې د ټولنیزو علومو يوهنځي متقاعدو استادانو پوهاند دکتور غلام حبیب پنچشیري، پوهاند دکتور عبدالبقي حصاري، پوهاند عبدالباقي پوپل او پوهنوال دکتور ناظرحسین افغانیار هر يو په خپل وار سره خبرې وکړې او د دې غونډې د جوړېدو څخه د مننې ترڅنګ یې وویل، چې دوی په پوره شوق د کابل پوهنتون سره همکاري ته مینه وال دي او پدې برخه کې، چې هرڅه په توان کې لري پوهنتون او د دې پوهنتون محصلینو څخه به یې نسپموي.
دا غونډه د کابل پوهنتون د ټولنیزو علومو پوهنځي د متقاعدو استادانو ته د ستاینلیکونو او ډالیو پر ورکړه پایته ورسېده.
