د کابل پوهنتون رهبري شورا نوبتي ناسته جوړه شوه
د روان کال د وري په ۱۴ نېټه د کابل پوهنتون نوبتي د کابل پوهنتون د رییس پوهاند دکتور محمد عثمان بابري په ریاست او د ریاست مرستیالانو او پوهنځیو رییسانو په ګډون د علمي شورا د ناستو په تالار کې جوړه شوه.
د کابل پوهنتون رییس د ناستې په پیل کې د جلسې غړو ته د ښه راغلاست ترڅنګ یې د ناستې په اجنډا رڼا واچوله. د رهبري شورا پدې ناسته کې په ګڼو موضوع ګانو د هغې له ډلې د تدارکاتو په موضوع بحث او هر اړخیزه ارزونه یې وشوه. د کابل پوهنتون مالي او ادارې سرپرست مرستیال د رهبري شورا په ناسته کې یادونه وکړه، چې د کال په دوهمه ربع کې یو او تر اوسه پورې د کابل پوهنتون تدارکاتي پلان ندی اماده شوی او دا پلان باید ژر تر ژره اماده شي. ښاغلي سلیم د پوهنځیو له رییسانو او د پوهنتون له نورو شعبو او څانګو څخه وغوښتل، چې خپل تدارکاتي پلانونه په ټاکلي وخت تیار او ټولې خپلې اړتیاوې په دقیق ډول په هغه لست کې ځای پر ځای کړي تر څو د هغه په بنسټ د پوهنتون تدارکاتي پلان جوړ شي.
له بل لوري د رهبري شورا په ناسته کې پوهنمل مصطفی رضايي د کابل پوهنتون د عالي فرهنګي شورا د نوي رییس په توګه معرفي شو. د کابل پوهنتون رییس پوهاند دکتور محمد عثمان بابري ښاغلي رضايي ته د مبارکي ترڅنګ یې هیله وښوده، چې د ده د مدیریت سره د کابل پوهنتون په فرهنګي برخه کې د مثبت بدلون او تحول شاهدان واوسو. د رهبري شورا په ناستې کې د له اجنډا سره سم د فارمسي پوهنځي له لوري د خطر پر مهال د لومړنیو مرستو د زده کړې د جوړېډو طرحه، د معلوماتي او مخابراتي ټکنالوژي پوهنځي غوښتنې پر بنسټ د درسونو دوام او د یوې اونۍ لپاره د محصلینو ازموینې وروسته والی او د محصلینو د ستونزو اړوند لس موضوع ګانې د قوانیونو، لوایحو او طرزالعملونو په رڼا کې و څېړل شوې او په هر یوې باندې د رایو په اکثریت لازم تصمیمونه ونیول شول.
