د کرنې پوهنځي څېړنیزو پروژو او د لېسانس دورې د څېړنې لارښوود پرانیسته وشوه
د روان کال غبرګولي په ۳۱ نېټه د چهارشنبې په ورځ د کابل پوهنتون رهبرۍ، د لوړو زده کړو، کرنې او مالدارۍ، انرژۍ او اوبو وزارتونو مسؤلینو، د خصوصي سکتور استازو او رسنیو په شتون کې د کرنې پوهنځي له ۹۰ زیاتو پروژو او دلېسانس دورې د څیړنیز لارښوود پرانیسته وشوه.
د کرنې پوهنځي رئیس ښاغلي پوهنمل صفي الله جوهر د پوهنځي د لاسته راوړنو او راتلونکو پلانونو په اړه خبرې وکړې او وویل: (( د هېواد پرمختګ د کرنې په ملاتړ پورې تړلی؛ د کرنې پوهنځي محصلینوپه روان کال کې د استادانو په لارښوونه له ۹۰ زیاتې څیړنیزې پروژې په بریالیتوب سره پیل کړې؛ چې نن ورځ یې د څېړنیزو پروژو پرانسته ده او د یادو څېړونو پایلي به په راتلونکي سمیسټر کي اعلان شي))
د لوړو زده کړو وزارت علمي معین ښاغلي لطف الله خیرخوا د کرنې پوهنځي له ترسره شویو څېړنيزو پروژو څخه خوښي څرګنده کړه او هغه یې د تحصیل په جریان کې د محصلینو څېړنيزو چارو ترسره کولو لپاره اغیزمن یاد کړ؛ نوموړي پخوانۍ څېړنې کمزورې وبللې او زیاته یې کړه؛ چې اوس وخت څیړنیزې برخې ته ځانګړې بودجه په نظر کې نیول شوې چي له دې وړاندي نه وه او هڅه کوو؛ ترڅو پوهنتونو کې تدریس په تطبیقي شکل صورت ونیسي.
د کابل پوهنتون د څېړنو مرسیتال او کرنې پوهنځي استاد ښاغلي پوهنمل ولي محمد سالاري د موجوده نظام له ټولو ادارو څخه وغوښتل؛ چې له هغوی سره د علمي څېړنو په برخه کې د کابل پوهنتون همکارۍ ته چمتو دي؛ همدارنګه د کرنې پوهنځي استاد ښاغلي پوهندوی حامد سالاري د لېسانس دورې د څېړنو لارښوود په کړنلاره خبرې وکړې او وې ویل: (( محصلین له یادې کړنلارې څخه د نمونې په څېر څېړنې ترسره کوي.))
په نوموړې غونډه کې د کرنې او مالدارۍ وزارت علمي څېړنو رئیس ښاغلي مولوي نصرت الله طلحه د خپلي وینا پر مهال وویل چې؛ د کرنې پوهنځي سره مرستې ته چمتو دی او ددې پوهنځي استادان او محصیلین کولای شي د هغوی له وسایلو او امکاناتو څخه ګټه واخلي.
د اوبو او انرژۍ وزارت مشاور ښاغلی فاروق اعظم د ټولنې په پرمختګ کې د کرنې پر اهمیت، اړتیا او رول خبرې وکړې او یاده مسله یې په اوسنیو شرایطو کې مهمه وبلله.
د یادې غونډه په پای کې مېلمنو د محصلینو له بېلا بېلو څېړنيزو پوسټرونو څخه چې د کرنې په برخه کې چمتو کړي وو او همدارنګه د کرنې پوهنځي څیړنیز فارم هغه څېړنیزه پروژه چې په عملي شکل محصیلنو ترسره کړه؛ لیدنه وکړه او محصیلنو د څېړنيزو پروسو د څرنګوالي په اړه یې هغوی ته معلومات ورکړل.
